Video
Read full review
2018-06-29
212 views
話說我從來都無用Openrice寫過comment，但去呢間餐廳中過伏後，再睇睇Openrice咁多人正評佢，我就要勸大家咪俾啲食評呃左...我同同事見星期五，諗住lunch食好啲，就黎試下呢間西餐。睇完menu，都覺得價錢合理，於是我地兩個都嗌左「手打安格斯牛肉漢堡」呢個set，仲加左杯hazelnut latte。等左一陣，咖啡上到黎。latte有個極隱約拉花，飲一啖就散左，啲泡多到以為係cappuccino!!!!好，咁唔理個外表，飲左兩啖，好似奶溝水咁，完全飲唔到咖啡味，仲要無加糖已經甜到嘔，我諗我返公司飲x巢3合1仲好啲。(呢張圖係食完餐飯先影，太難飲放棄左！）等左差唔多3個字，終於俾我地等到今餐嘅主角！就咁睇個外表，都幾吸引嘅。佢入面有隻太陽蛋（但啲蛋汁上到黎已經無曬）、洋蔥（生嘅）、蕃茄（生嘅）、牛肉漢堡（呢個要詳細講下）、無味嘅芝士、同埋兩塊無乜特別嘅飽皮。我地黎睇一睇塊漢堡扒：佢外面煎得好燶，但入面就好生，仲要好多筋，每一啖都食到陣生肉味。同埋成塊扒係無味嘅，明明見到有啲洋蔥、黑胡椒，應該有醃過，但食落無味。而且塊扒無任何醬汁，成個漢堡都無，雖然牛肉生生地都食得，但佢
我同同事見星期五，諗住lunch食好啲，就黎試下呢間西餐。
睇完menu，都覺得價錢合理，於是我地兩個都嗌左「手打安格斯牛肉漢堡」呢個set，仲加左杯hazelnut latte。
等左一陣，咖啡上到黎。latte有個極隱約拉花，飲一啖就散左，啲泡多到以為係cappuccino!!!!好，咁唔理個外表，飲左兩啖，好似奶溝水咁，完全飲唔到咖啡味，仲要無加糖已經甜到嘔，我諗我返公司飲x巢3合1仲好啲。(呢張圖係食完餐飯先影，太難飲放棄左！）
等左差唔多3個字，終於俾我地等到今餐嘅主角！
就咁睇個外表，都幾吸引嘅。佢入面有隻太陽蛋（但啲蛋汁上到黎已經無曬）、洋蔥（生嘅）、蕃茄（生嘅）、牛肉漢堡（呢個要詳細講下）、無味嘅芝士、同埋兩塊無乜特別嘅飽皮。
我地黎睇一睇塊漢堡扒：
佢外面煎得好燶，但入面就好生，仲要好多筋，每一啖都食到陣生肉味。同埋成塊扒係無味嘅，明明見到有啲洋蔥、黑胡椒，應該有醃過，但食落無味。而且塊扒無任何醬汁，成個漢堡都無，雖然牛肉生生地都食得，但佢果陣味一啲都唔新鮮，更加唔會係安格斯牛，我食左幾啖已經唔敢食。
最後我地食曬啲薯條，同埋咬左幾啖塊飽，就走左。
總結：一杯咁嘅咖啡加左12蚊，已經大荒謬！總之大家千其唔好叫佢沖咖啡了。其次，係佢地嘅服務態度，嗌野食果陣十問九唔應，而且同佢講左幾次佢都聽唔明。如果大家想試，起碼唔好食呢兩樣野...
Post
