紫粵軒

身為標準「無飯」主婦，一連兩星期都搵一日同老公食好dd，試左新出既孖人三寶餐，上星期淨係掛住食唔記得影相，飲左個有鮑魚、花膠同瑤柱既燉湯，材料好豐富，鮑魚仔都比我想像中大隻，就算燉完湯都都有嚼頭及鮮味，湯底十分清甜，一滴油都沒有；每人有半邊蒜茸粉絲蒸龍蝦仔，最好味反而係吸收晒醬汁精華既粉絲，金銀蒜及豉油汁都好香，仲有一碟野菌竹笙扒時蔬，上湯浸青菜，清淡得來又健康，兩個人食都係$298，眼闊肚窄，加左兩碗白飯、半隻鹽香雞同合桃露湯圓，鹽香雞係呢度既招牌菜，做到外脆帶咸香，幾乎沒有肥膏，雞肉嫩滑兼有肉汁，食到我地唔停得口，碗生磨合桃露味道香濃又不太杰身，真係好食到暈。今個星期忍唔住同老公試埋另外一個孖人餐，川芎白芷燉魚皇，用左起碼3斤重既海斑魚頭及魚腩，粒粒瘦肉都切成丁方及去骨，藥材味不太濃烈，呢款湯唔係個個人都啱飲，估唔到連我老公都喜歡呢個燉湯話好正，個蠔皇鮑魚好入味，炒雜菜就夠爽口，今次加多個東坡肉，入口即溶連我唔食肥豬肉既都食左兩舊，忍唔住再encore多一次合桃露湯圓，除左個鮑魚等左20分鐘先上菜，基本上都好滿意。兩晚都見大廚巡視餐廳，同客人傾計問意見，而服務員都很有禮貌，因為平日