金記冰室 (都會駅) (Closed)

每次放lunch都見勁多人排隊，所以冇機會試，今日因為工作要同同事食個early dinner，終於可以避過人潮試吓啦。佢嘅二人晚餐都幾抵，住附近如果唔想煮，都值得一試。我哋揀咗咕嚕肉同埋XO醬蝦球炒西蘭花，兩個人食分量剛剛好，唔會太多。睇Menu覺得好吸引，所以額外叫咗個金磚風沙炸豆腐，即叫即炸，熱辣辣，重點係豆腐入面勁嫩滑。$200都唔使有湯有餸有飯有嘢飲，其實叫汽水都得，不過同同事都食到好飽，所以叫杯檸茶消消滯。最重要嘅嘢梗係要留返最後，呢個芝士西多士真係超級出色！估唔到芝士同西多士係咁夾，鍾意甜品嘅人一定要試一試。