唐記包點 (荷里活廣場)

Open Now

Now Closed

一唔想煮飯，就會想起唐記包點的蒸飯同點心，夠抵食，宜家仲愈出愈多款。唐記包點仲有每日精選，星期一至日都有一款只售$20 的蒸飯。但今天的咸蛋肉餅不是我杯茶，所以點了$25 的北菇滑雞及梅菜肉餅，每個蒸飯都配上椰菜，提議大家豉油可以另上，這可以避免員工倒得太多豉油令蒸飯變得太咸及飯質變濕，又可以健康一點。蒸飯的份量足，飯身不會過淋，梅菜跟肉餅的比例剛好，肉餅厚身。而北菇滑雞，雞件夠滑，如果北菇再多一點就更好了。點心點了燒賣同雞扎，每款$17，燒賣肉質比較實淨，仲有杞子放面。雞扎用腐皮包著豬肚，豬皮，芋頭，大舊雞件，很足料。他們的蒸包愈出愈多款，有咸包有甜包，最近仲有新出阿華田包，好有創意呢! 我買了2 個凍包(香芋包及菜肉包)留待明天早餐，只需隔水蒸8 分鍾就食得，十分方便。晚餐連早餐, 2人份量都是$99，慳家之選。