Video
Read full review
2017-07-21
954 views
連續幾日落失魂雨,已經習慣幾時落雨就入最近嘅餐廳,今日嘅幸運兒就係綠島.或者落大雨多人嚟避雨順便食飯嘅關係,人手嚴重不足.想點餐但係侍應根本應接不暇,應咗我都分唔到身行過嚟.好不容易點咗個咖哩牛脷飯,都預咗要等耐啲㗎啦,點知出菜出奇地快,個飯由落單起計兩分鐘內放喺我面前.切成條狀嘅牛脷,加埋份量唔多.其實可以煮耐少少,依家食落有啲靭,雖然勉強可以接受.洋蔥要溶溶爛爛先至入到味,呢度做唔到呢個效果.而且成個咖哩只有牛脷同埋洋蔥,冇其他青椒紅椒之類嘅配菜,食落味道好寡,只係得唔辣嘅咖哩味.餐湯唔知點解仲等得耐過飯,越等得耐就越期待,因為今日係沙參玉竹湯.碗湯飲落真係幾甜,但如果話佢係沙參玉竹湯,又覺得沙參玉竹嘅味道唔夠重.湯係好飲嘅,唔敢話冇味精,更唔敢話係沙參玉竹湯.合埋眼,當佢係一碗好味嘅湯就算喇.
焗牛脷飯
60 views
0 likes
0 comments
切成條狀嘅牛脷,加埋份量唔多.其實可以煮耐少少,依家食落有啲靭,雖然勉強可以接受.洋蔥要溶溶爛爛先至入到味,呢度做唔到呢個效果.而且成個咖哩只有牛脷同埋洋蔥,冇其他青椒紅椒之類嘅配菜,食落味道好寡,只係得唔辣嘅咖哩味.
沙參玉竹湯
36 views
0 likes
0 comments
餐湯唔知點解仲等得耐過飯,越等得耐就越期待,因為今日係沙參玉竹湯.碗湯飲落真係幾甜,但如果話佢係沙參玉竹湯,又覺得沙參玉竹嘅味道唔夠重.湯係好飲嘅,唔敢話冇味精,更唔敢話係沙參玉竹湯.合埋眼,當佢係一碗好味嘅湯就算喇.
Post
