錦尚甜 (和富道)

Open Now

Now Closed

同朋友喺天后食完飯諗住搵間甜品店食吓，本身諗住介紹佢去甜姨姨試吓，但佢話北角有一間好好食一定要推介比我，所以我哋就由天后行去北角，原來係錦尚甜....😶 即刻同朋友講咗句'呢間天后都有....不過我無試過'，既然嚟到都試吓啦😬舖頭環境幾迫，坐得唔太舒服，不過普遍甜品舖都係咁😬 佢哋都算多糖水選擇，主打係芒果系列，類似以前嘅許留山咁，我左揀右揀最後都係揀我最愛同埋最穩陣嘅楊枝甘露！❤️ 楊枝甘露 $36分量算正常，食落無咩驚喜，芒果雪糕芒果味都唔算濃，同埋芒果汁都偏甜，但感覺佢嘅甜有啲假，唔係天然水果嘅甜味，可能加太多糖水。好食度：⭐️ (1/5)餐廳推薦度： ⭐️ (1/5)不過口味呢啲嘢就真係各有喜好😬 好似我朋友咁就覺得呢間幾好喇。