營豐海南雞專門店 (Closed)

餐牌有好多款嘢食，招牌海南雞，文昌雞、鹽水加積鴨。飯類有無骨海南雞飯、香茅煎豬扒飯、鹽香雞翼飯。小食有泰式雞腳、煎豬扒、煎雞翼。價錢全部都合理。我買了無骨海南雞飯+香茅煎豬扒，外賣自取。我等左五分鐘都已經拎野食了！無骨海南雞飯，當然無骨啦，雞油香氣撲鼻，雞皮下沒有太多肥膏，而且啖啖肉，雞肉有濃郁雞味，口感嫩滑，雞大概有十件，再加薑蓉，簡直係一流！最底有蘿蔔同甜酸瓜，好味！我跟左油飯， 雖然無咁健康，但係我認為海南雞要跟油飯先正宗。油飯非常香！跟例湯幾足料，清清地！飲得出係老火湯唔係味精湯。香茅煎豬扒， 豬扒邊煎到有啲脆口，好易咬唔會太乾，爽口彈牙，好香。味道剛剛好。無骨海南雞飯+香茅煎豬扒，$60好飽好滿足。