越一越南牛肉粉專門店 (Closed)

今日行完荃灣千色，約咗朋友去附近嘅「越一越南牛肉粉專門店」食晚飯。真係好開心， 又可以食到去骨嘅海南雞飯， 廚師用黃油雞炮製， 所以雞味特別香濃， 而皮下脂肪亦唔算多， 肉質仲香嫩細滑 ， 配上薑蓉一齊食，海南雞就更加惹味啦！ 再叫多一碟牛油雞翼做小食， 雞翼有4 隻 ， 雞翼加咗薄薄嘅炸漿一齊炸， 所以特別乾身， 而且炸得剛剛好，炸到皮脆肉嫩，味道當然有香濃嘅牛油香味啦！ 朋友就叫咗《沙嗲豬扒湯河》 ， 雖然份量唔算多， 但豬扒整得入味， 炸得乾脆。份量多番少少就更加好啦， 男士唔係好夠飽！