Video
Read full review
2020-12-04
115 views
無得去韓國，唯有係香港揾韓國嘢食住先。今日就揀咗Sodam Chicken ，一嚟因為自己肚餓想食放題，二嚟係佢有齊烤雞同炸雞兩種選擇，仲要無骨😍。我叫咗 $128+20 嘅炸雞+焗雞+ pizza+小食放題 (90min)。Pizza 4款餐廳本身會將pizza放係自助區，俾客人自己拎。但因疫情關係，餐廳取消自助區，等客人 order後拎俾客人👍。Pizza一次上四款，每隻味都係細細塊咁，食多啲都仲有quota。Pizza薄身，每件為正方形，pizza底脆口，每件pizza餡料都好豐富。可能因為鍾意千島醬，叫千島加勒比薄餅就啱晒，薄餅鋪滿千島醬同芝士。甜酸炸雞甜酸汁好開胃，仲有少少芝麻粒，配上嫩滑雞肉，係好典型嘅韓式風味。蜜糖芥末香蔥炸雞蜜糖芥末醬撈炸雞真係 match，又甜又有少少辣味，連埋雞上嘅蔥條一齊食，食落幾開胃。黃金鹹蛋焗雞超邪惡💛, 炸雞上沾滿咗好多鹹蛋黃醬，仲有啲鹹蛋黃粒粒，好惹味。不過呢款雞就比較油膩，可以後期啲先食。牛油炒雜菇😍必叫，超香同好有牛油味，另外仲落咗啲黑椒， 十分惹味。除咗雜菇外，其實仲有少量椰菜絲。西柚啤酒 ($75)餐廳做緊飲品買一送一，所以啤酒加埋
Pizza 4款
餐廳本身會將pizza放係自助區，俾客人自己拎。但因疫情關係，餐廳取消自助區，等客人 order後拎俾客人👍。Pizza一次上四款，每隻味都係細細塊咁，食多啲都仲有quota。Pizza薄身，每件為正方形，pizza底脆口，每件pizza餡料都好豐富。可能因為鍾意千島醬，叫千島加勒比薄餅就啱晒，薄餅鋪滿千島醬同芝士。
甜酸炸雞
甜酸汁好開胃，仲有少少芝麻粒，配上嫩滑雞肉，係好典型嘅韓式風味。
蜜糖芥末香蔥炸雞
蜜糖芥末醬撈炸雞真係 match，又甜又有少少辣味，連埋雞上嘅蔥條一齊食，食落幾開胃。
黃金鹹蛋焗雞
超邪惡💛, 炸雞上沾滿咗好多鹹蛋黃醬，仲有啲鹹蛋黃粒粒，好惹味。不過呢款雞就比較油膩，可以後期啲先食。
牛油炒雜菇
😍必叫，超香同好有牛油味，另外仲落咗啲黑椒， 十分惹味。除咗雜菇外，其實仲有少量椰菜絲。
牛油炒雜菇
5 views
0 likes
0 comments
西柚啤酒 ($75)
餐廳做緊飲品買一送一，所以啤酒加埋apple cider都係收一個價錢，都幾抵。飲品分量都好多，炸雞配啤酒🍗🍺。
西柚啤酒
$75
10 views
0 likes
0 comments
後話:
炸雞同焗雞各有七款口味，炸雞另外有2款期間限定， pizza就有五款，小食有沙津同炸雞必配嘅酸蘿蔔。炸雞比較大舊，可能會飽啲。 所以，我鍾意叫焗雞多啲，一嚟好似無咁熱氣，二嚟細舊少少，可以食多啲、試多啲味。蜜糖蒜香味焗雞都正🙆♀️。餐廳另外係每張枱上提供膠手套同埋紙巾，大家就可以食得方便又衛生。
Post
