尚上下夏 - 養生雞煲火鍋 (Closed)

今日去咗尖沙咀食雞煲呢度主打雞煲之後再加湯食火鍋佢哋嘅雞煲最有特色嘅相信係可以自選部位我哋就揀咗無骨雞髀食起上嚟啖啖肉真係好過癮另外呢度嘅雞煲仲有豬皮作為配料啲豬皮已經完全入晒味，好淋非常出色！另一個特色就係加湯係可以自己揀加乜嘢湯！我哋就揀咗瑤柱群翅雞湯佢加嘅湯都非常足料㗎，真係有群翅、金華火腿等等嘅配料。而火鍋配料方面我就推薦大家一定要食佢哋嘅響鈴佢哋嘅響鈴新鮮即炸上枱嘅時候仲係熱辣辣一份份量都幾多我就留咗一半係食雞煲嘅時候食另一半就留咗喺加湯之後食兩種口感都截然不同㗎其他火鍋配料其實都幾有特色而且仲可以半份咁嗌所以我哋都可以試咗好多不同嘅配料好推薦大家一定要嚟試下💛💛💛