Video
Read full review
2019-05-17
302 views
話說自己嘅生日都唔喺香港度過。返到嚟香港梗係想食返一餐生日飯啊。一於就同女朋友嚟到哩間habitu食飯。 揀呢度嘅原因除左有優惠之外，重點係我好鍾意飲咖啡，而且之前嚟過食過豬扒，覺得幾好食，所以要返嚟encore。先講講環境，habitu都係走中高檔嘅咖啡店，所以環境都係清淨企理，適合情侶拍拖或者幾個女仔嚟食。加上我家喺奧海城呢間人流比較少，食得都舒服啲。值得一提嘅係，habitu 有幾種店，但我哋今次嘅habitu all time 就只係得一間嗻，冇乜研究當中嘅分別。烤厚切豬鞍扒。呢個係佢哋嘅推介菜式，豬扒以網燒嘅形式烹調，煮完出嚟之後嘅賣相非常之好。食落亦充滿肉汁，肉質啱啱好，唔會話太鬆散太腍。配菜都有少少驚喜，因為記得之前嚟食嘅時候配菜係薯仔。今次就變咗蘋果沙律，感覺清新開胃。辣肉腸薄餅。呢個薄餅鬆脆可口，有兩種唔同嘅辣肉腸 ，配住薄餅食都幾夾。加埋配菜有青椒蕃茄等等，感覺都幾清新。唯一挑剔嘅係份量比較細，衹能當係一個小食，如果你當佢係主菜嘅話就會未必夠飽。焦糖脆片咖啡。難得嚟到habitu，當然要試下佢嘅signature coffee。幾隻咖啡當中最特別嘅一定系呢個焦糖脆片
先講講環境，habitu都係走中高檔嘅咖啡店，所以環境都係清淨企理，適合情侶拍拖或者幾個女仔嚟食。加上我家喺奧海城呢間人流比較少，食得都舒服啲。
值得一提嘅係，habitu 有幾種店，但我哋今次嘅habitu all time 就只係得一間嗻，冇乜研究當中嘅分別。
烤厚切豬鞍扒。
呢個係佢哋嘅推介菜式，豬扒以網燒嘅形式烹調，煮完出嚟之後嘅賣相非常之好。食落亦充滿肉汁，肉質啱啱好，唔會話太鬆散太腍。配菜都有少少驚喜，因為記得之前嚟食嘅時候配菜係薯仔。今次就變咗蘋果沙律，感覺清新開胃。
辣肉腸薄餅。
呢個薄餅鬆脆可口，有兩種唔同嘅辣肉腸 ，配住薄餅食都幾夾。加埋配菜有青椒蕃茄等等，感覺都幾清新。唯一挑剔嘅係份量比較細，衹能當係一個小食，如果你當佢係主菜嘅話就會未必夠飽。
焦糖脆片咖啡。
難得嚟到habitu，當然要試下佢嘅signature coffee。幾隻咖啡當中最特別嘅一定系呢個焦糖脆片咖啡。因為佢都寫到明就係呢隻咖啡唔可以take away。試完就知點解喇。佢個原理就好似焦糖布甸噉樣，有一層焦糖喺個熱咖啡上面。如果你唔整碎佢噉飲，就係一個普通嘅咖啡。如果咬碎啲焦糖噉嘅話，就會有好香濃嘅焦糖咖啡味，感覺係幾新奇嘅。如果你想用嚟打卡，呢杯的確係唔錯嘅選擇。
蜜瓜桃茶。
呢隻茶嘅蜜瓜味又幾犀利個喎，茶味就比較淡。鍾意密瓜嘅朋友都可以試一下
Post
