麻辣五三五 (Closed)

天氣潮濕個人搞到攰攰地，整返次夏天熱焫焫食麻辣，個感覺好似疏通咗汗線嘅感覺（要留意下唔係人人都可以食辣去濕架），而今次就揀咗喺尖沙咀開咗唔夠一年嘅麻辣五三五試試新嘢先。原本打算食水煮牛，但Honey想食烤魚，咁樣就佢一次比佢食吓烤魚啦（因為我係唔食熟咗嘅魚），而我哋就揀咗中辣嘅麻辣湯底。再點咗幾款嘅配料包括鴨血、廣島蠔、蘿蔔、萵筍、鮮支竹、牛百葉，另外再點多個蒜泥白肉。烤魚嘅魚原來係魽魚，成條魚得一條骨，最怕食魚有骨嘅我都食得到，肉質仲要幾滑吓！蒜泥白肉好好味，薄薄嘅白肉卷內包住一塊薄薄嘅青瓜，食落感覺好夾好爽口，而蒜泥真係磨到好蓉，嚟到呢到真係要試吓！