Video
Read full review
2008-02-09
1059 views
Openrice 果然神通廣大, 估唔到連呢度都有獨立專頁!農曆年初二夜晚, 阿媽工作0既地方book 了呢度搞function, 有得食又有得上top deck 睇煙花的關係, 原價每人要$500, 但阿媽唔使俾錢, 我0地3 個跟埋去亦只需每人俾$250, 加上食物同服務質素係比想像中好得多, 實在好抵:- 蟹腳: 鮮味一般, 近殼0個一端直程完全無味, 要唧檸檬汁食先好少少, 十分麻麻.- 龍蝦仔: 呢個唔錯, 肉質結實鮮甜, 仲意想不到地有甜甜0地的膏0係蝦頭內!- 青口: 無乜味又幾乾, 又係要唧檸檬汁食.- 凍蝦: 呢個幾鮮甜, 肉質亦爽口.- 意大利雜菜伴燒鮑片: 係凍食的, 只食了鮑片, 稍硬不過幾甜, 唔錯.- 煙三文魚伴生洋蔥: 煙三文魚無乜特別, 反而生洋蔥圈仲好食, 爽爽甜甜唔嗆鼻/喉的, 同煙三文魚係絕配! 但唔知點解d 生洋蔥圈一直無乜人問津, 唔知係唔係香港人0既特性呢@_@- 燒牛肉: 師傅切的薄片合我心意, 不過原來係柴皮牛肉, 又乾又0鞋又無味, 落了汁/mustard 都無補於事, 難食.- 唔知乜0野香草意粉: 好耐無試過0係buffet 食意
農曆年初二夜晚, 阿媽工作0既地方book 了呢度搞function, 有得食又有得上top deck 睇煙花的關係, 原價每人要$500, 但阿媽唔使俾錢, 我0地3 個跟埋去亦只需每人俾$250, 加上食物同服務質素係比想像中好得多, 實在好抵:
- 蟹腳: 鮮味一般, 近殼0個一端直程完全無味, 要唧檸檬汁食先好少少, 十分麻麻.
- 龍蝦仔: 呢個唔錯, 肉質結實鮮甜, 仲意想不到地有甜甜0地的膏0係蝦頭內!
- 青口: 無乜味又幾乾, 又係要唧檸檬汁食.
- 凍蝦: 呢個幾鮮甜, 肉質亦爽口.
- 意大利雜菜伴燒鮑片: 係凍食的, 只食了鮑片, 稍硬不過幾甜, 唔錯.
- 煙三文魚伴生洋蔥: 煙三文魚無乜特別, 反而生洋蔥圈仲好食, 爽爽甜甜唔嗆鼻/喉的, 同煙三文魚係絕配! 但唔知點解d 生洋蔥圈一直無乜人問津, 唔知係唔係香港人0既特性呢@_@
- 燒牛肉: 師傅切的薄片合我心意, 不過原來係柴皮牛肉, 又乾又0鞋又無味, 落了汁/mustard 都無補於事, 難食.
- 唔知乜0野香草意粉: 好耐無試過0係buffet 食意粉了... 因為無汁, 要乾哽, 好在意粉未至於腍bad bad, 不過食呢個純為飽肚, 算啦.
- 白汁芝士焗蠔: 呢個ok, 蠔唔算十分新鮮, 但絕對唔腥; 白汁芝士就無特別.
- 竹笙魚翅湯: 農曆新年少不免有d 咁0既0野, 呢個飲落同酒樓的差不多, 少少杰, 魚翅碎濕濕, 不過竹笙幾多搭夠, 口感還好.
- 龍蝦湯: 杰身(不過唔creamy), 味道一般, 好在飲完唔太口渴.
甜品款式唔少, 試了幾款, 都算滿意:
- 唔記得乜名堂的cheesecake: 芝味濃郁, 質感軟滑, 帶少少鹹, 好食!
- Chocolate mousse: 朱古力味唔出, 味道一般.
- Mango tartlets: 曲奇餅餅底帶牛油香, custard 香甜, 中間的芒果就酸到喊.
- Chocolate fountain: 有蜜瓜, 棉花糖同手指餅供應, 如常地最受小朋友歡迎, 我都試了手指餅的, 可惜佢d 朱古力唔靚啦.
- 自助楊枝甘露: 呢個最難食, 花奶味蓋過一切, 食了兩啖就放棄了.
- 任飲咖啡: coffee base 過得去, d cream 就奇怪地係花奶的顏色(但聞落並唔係花奶來的), 不過既然唔難飲, 算啦.
其實佢d 鹹食仲有其他款式, 不過眼闊肚窄又無乜興趣, 都無試到佢d e.g. 即叫即整魚蛋河.
船上環境ok, 乾淨企理, 可惜大會安排迫0左少少; service 都ok 啦, 無乜特別.
其實一心只係想0黎睇煙花, 對其他0野原本真係無expectation, 可能因為無期望, 反而有少少驚喜啦, 不過肯定0既係, 呢度食物質素比我上年聖誕期間食的$300 劣質hotel buffet 係好得多, 而且大會安排好好, 呢晚氣氛唔錯, 笑面照俾啦.
Post
