Video
Read full review
2024-06-11
1133 views
《金記小食酸辣粉 - 太子》雖然我成日都周圍搵食，睇落好似成日都淨係食貴野咁，但其實我對於街頭小食都十分熱衷的😉除咗傳統嘅燒賣雞蛋仔之外，近年我仲特別鍾意食酸辣粉添😌最近，比我喺太子搵到一間無論係食物份量定係食物質素都好高嘅小食店，可以話係近期最愛🫶🏻係令我唔怕身水身汗都願意企喺街度食嘅酸辣粉店☺️小食店門口只有十分少量嘅位置俾人立食，所以基本上大部份人都係外賣的😉除咗酸辣粉之外，我發現佢嘅生菜魚肉同埋碗仔翅都係唔錯嘅選擇👍🏻仲有幾款食品都係我嘅私心推介💁🏻♀️招牌酸辣粉 $27佢呢度嘅酸辣粉有$27起計，老闆話如果比較大胃口嘅可以要大碗，另外都可以再加錢配埋不同嘅餸菜一齊食，我個人就推薦食豬腸、豬紅、同埋牛柏葉，呢一個配搭係我嘅favourite🫶🏻除咗肉類之外，仲有不少素菜可以揀㗎😉你仲可以按照自己食辣嘅能力選擇難度☺️我平時米線食開五少辣，呢度可以食到小辣至中辣㗎☺️我鍾意呢間小店嘅酸辣粉原因係佢嘅粉條係非常之彈牙煙靭，食落好有口感又嗦湯，又酸又辣又惹味💁🏻♀️生菜魚肉湯 $22/$26佢呢度嘅生菜魚肉湯魚肉都幾濃味，魚肉食落彈牙滑溜，就算係最大碗都只係$26咋，魚肉嘅份量非常多絕對唔
雖然我成日都周圍搵食，睇落好似成日都淨係食貴野咁，但其實我對於街頭小食都十分熱衷的😉除咗傳統嘅燒賣雞蛋仔之外，近年我仲特別鍾意食酸辣粉添😌最近，比我喺太子搵到一間無論係食物份量定係食物質素都好高嘅小食店，可以話係近期最愛🫶🏻係令我唔怕身水身汗都願意企喺街度食嘅酸辣粉店☺️小食店門口只有十分少量嘅位置俾人立食，所以基本上大部份人都係外賣的😉
除咗酸辣粉之外，我發現佢嘅生菜魚肉同埋碗仔翅都係唔錯嘅選擇👍🏻仲有幾款食品都係我嘅私心推介
💁🏻♀️招牌酸辣粉 $27
佢呢度嘅酸辣粉有$27起計，老闆話如果比較大胃口嘅可以要大碗，另外都可以再加錢配埋不同嘅餸菜一齊食，我個人就推薦食豬腸、豬紅、同埋牛柏葉，呢一個配搭係我嘅favourite🫶🏻除咗肉類之外，仲有不少素菜可以揀㗎😉你仲可以按照自己食辣嘅能力選擇難度☺️我平時米線食開五少辣，呢度可以食到小辣至中辣㗎☺️我鍾意呢間小店嘅酸辣粉原因係佢嘅粉條係非常之彈牙煙靭，食落好有口感又嗦湯，又酸又辣又惹味
💁🏻♀️生菜魚肉湯 $22/$26
佢呢度嘅生菜魚肉湯魚肉都幾濃味，魚肉食落彈牙滑溜，就算係最大碗都只係$26咋，魚肉嘅份量非常多絕對唔馬虎，平時行過我都會買返一碗返屋企食㗎
💁🏻♀️泡椒雞腳 $22
呢一款雞腳係凍盤嚟㗎，可以買返屋企睇住電視慢慢食，雞腳預先一開二剪短咗，所以食起上嚟唔會好論盡，不過食落有點辣，個後勁有啲強勁，但係越辣越想食🤣除咗泡椒雞腳之外，仲有泡椒雞翼尖可以選擇，同樣地都好惹味
💁🏻♀️自選麻辣燙
麻辣燙嘅餸菜可以按照自己喜好選擇，除咗餸之外，仲可以揀唔同嘅粉麵，作為煙韌控嘅我就梗係揀薯粉啦😉佢同酸辣粉嘅湯底味道唔同，酸辣湯會帶點微微甘香嘅醋味，而麻辣燙真係偏向四川嗰種辣味，如果鍾意食辣嘢嘅話應該喜歡自己選擇嘅麻辣燙多啲，仲有好多丸類同埋腸，可以加配放入麻辣燙入邊造成湯麵😉都係我私心嘅推介
Post
