Flame at Towngas Avenue (Closed)

媽俾左六張煤氣公司既餐飲卷我，於是今晚同男朋去食晚餐，餐廳安排左窗口位俾我地，有夜景相伴。晚市提供名氣廊晚市套餐，$388一位，亦可以散叫。食完覺得無餐飲卷唔會自己俾錢黎食，性價比低。呢個價錢應該要提供更高質素既食物。有餐包提供，少少鹹鹹地既味。合桃菠蘿青瓜沙律配乳酪汁正常水準，沙律唔算好新鮮。蟹肉龍蝦湯可以，有唔少蟹肉。燻焗挪威三文魚柳伴蔬果沙律既三文魚好食，肉質嫩滑，煎得岩岩好。蔬果沙律由好多粉粉地既薯仔、西芹、提子組成，麻麻地。巴瑪火腿法國雞胸伴芝士菠菜既雞胸鞋鞋地，菠菜幾好食，巴瑪火腿比較鹹。意大利芝士蛋糕普通，無入口即溶既口感，唔夠濕潤。熱檸茶同熱奶茶。