Video
Read full review
2018-12-14
1606 views
早一陣子，屋企換咗新的煤氣煮食爐和熱水爐，絕對唔平，不過，煤氣公司送番600蚊餐卷。好彩仲記得呢件事，否則餐卷過咗期就嘥咗600蚊。今日中午嚟到中港城嘅 “煤氣餐廳”，對住碼頭景食晏，都OK，如果天色好些會更好。雖然有600蚊餐卷，其實可以揀嘅嘢唔多，左度右度，都要over budget，最後，都食突廿幾蚊。叫咗龍蝦湯、西洋菜濃魚湯、鮮蝦菠菜燴飯、焗三文魚柳拌薯蓉、咖啡和焦糖燉蛋。餐湯跟咗一片麵包，脆脆地，拌湯OK。龍蝦湯幾鮮味，但係一粒仔龍蝦肉都無的。西洋菜濃魚湯好飲啲，因為較特別。焗三文魚柳幾大舊，焗得幾香，不過嫌油得滯。鮮蝦菠菜燴飯啲米都唔似係意大利米，整個飯一般般。焦糖燉蛋係好食嘅，有大酒店水準。埋單俾咗6張餐卷和100蚊個職員，等咗好耐都唔佢返嚟。揚手叫佢過嚟，同佢講未找錢，佢先至回魂 (唔係諗住我會俾七十幾蚊tips 你呀? 水都無斟多杯喎~) 結論: 要俾錢嚟食的話要三思。
今日中午嚟到中港城嘅 “煤氣餐廳”，對住碼頭景食晏，都OK，如果天色好些會更好。
雖然有600蚊餐卷，其實可以揀嘅嘢唔多，左度右度，都要over budget，最後，都食突廿幾蚊。
叫咗龍蝦湯、西洋菜濃魚湯、鮮蝦菠菜燴飯、焗三文魚柳拌薯蓉、咖啡和焦糖燉蛋。
餐湯跟咗一片麵包，脆脆地，拌湯OK。龍蝦湯幾鮮味，但係一粒仔龍蝦肉都無的。
西洋菜濃魚湯好飲啲，因為較特別。
焗三文魚柳幾大舊，焗得幾香，不過嫌油得滯。
鮮蝦菠菜燴飯啲米都唔似係意大利米，整個飯一般般。
焦糖燉蛋係好食嘅，有大酒店水準。
埋單俾咗6張餐卷和100蚊個職員，等咗好耐都唔佢返嚟。揚手叫佢過嚟，同佢講未找錢，佢先至回魂 (唔係諗住我會俾七十幾蚊tips 你呀? 水都無斟多杯喎~)
結論: 要俾錢嚟食的話要三思。
Post
