SHY Xpress (Closed)

平日小妹都好喜愛食哩間有名既蛋牛治，雖然真係唔係好近我公司，但我都會特登去買黎當早餐食，係我等外賣早餐既時候，比我發現原來有做埋中午套餐，仲要係我至愛既蛋包飯，所以第日我就決定黎試下佢有好幾款蛋包飯選擇，我揀左雞扒配照燒汁既蛋包飯，等左五至十分鐘左右就到啦，賣相好吸引，但塊雞扒好似比起想像中細塊切完食兩啖就無左，雞扒薄同好似煎得乾左D，無乜肉汁，真係要靠個汁黎調味。個蛋整得好滑，蛋內係配西炒飯，估唔到噤足料，有腸仔，蛋碎，火腿，洋蔥粒同埋飯既份量都幾多，真係唔洗食個雞扒，淨食蛋包飯都飽左。整體上味道都可以，如果雞扒厚D就更好啦