Video
Read full review
2019-10-01
2926 views
早排入咗九龍城，到訪過一家頗出色嘅居酒屋小店，嘆咗多款日式串燒。食友睇過小弟嘅食評之後，就推介我試試另一家主打串燒嘅小店，大讚佢哋嘅串燒多元化，款式多，難得定價相宜，故此，今晚就約咗舊同學嚟到「燒烤堂」旺角店嘆串燒，並分享死佬兄弟所遇到財務嘅煩惱事。食友教路，最好訂位，因為餐廳屬小店模式，地方真喺唔大，裝修簡約，其次，佢哋嘅人氣又真喺幾高企。我哋閒日晚7:00pm到，好似無乜客，但一到7:30pm過後，已近乎座無虛席，況且，食得串燒都唔喺快上快落嘅模式，如果無訂位就嚟會有啲風險啫。正所謂「麻雀雖小，但五藏俱全」，底面兩頁A4紙點菜紙一次過貼出嚟，就會睇到選擇非常之多，有唔同配搭，詳細就唔再多講，自己睇睇就清楚晒。飲品就晌另一個餐牌度，有唔少酒類飲品，我同老友都唔好，所以，就只影咗啱飲嗰一頁。然而，睇點菜紙，有個週年優惠，生啤買一送一，鍾意生啤嘅朋友就啱晒喇。鹹檸七 $22、可樂 $12食串燒，最襯都喺汽水、啤酒，當然，冰涼嘅梳打亦好，而小弟就揀鹹檸七，原個鹹檸檬，無欺場，鹹鹹酸酸，又夠晒凍，爽住嘆啲串燒。檸蜜牛油包 $18雖然喺食串燒，但見呢款嘢都幾得意，貪過癮點一客試試。原來喺一片硬
食友教路，最好訂位，因為餐廳屬小店模式，地方真喺唔大，裝修簡約，其次，佢哋嘅人氣又真喺幾高企。我哋閒日晚7:00pm到，好似無乜客，但一到7:30pm過後，已近乎座無虛席，況且，食得串燒都唔喺快上快落嘅模式，如果無訂位就嚟會有啲風險啫。
正所謂「麻雀雖小，但五藏俱全」，底面兩頁A4紙點菜紙一次過貼出嚟，就會睇到選擇非常之多，有唔同配搭，詳細就唔再多講，自己睇睇就清楚晒。
飲品就晌另一個餐牌度，有唔少酒類飲品，我同老友都唔好，所以，就只影咗啱飲嗰一頁。然而，睇點菜紙，有個週年優惠，生啤買一送一，鍾意生啤嘅朋友就啱晒喇。
鹹檸七 $22、可樂 $12食串燒，最襯都喺汽水、啤酒，當然，冰涼嘅梳打亦好，而小弟就揀鹹檸七，原個鹹檸檬，無欺場，鹹鹹酸酸，又夠晒凍，爽住嘆啲串燒。
檸蜜牛油包 $18雖然喺食串燒，但見呢款嘢都幾得意，貪過癮點一客試試。原來喺一片硬豬，烘脆後，放上大片牛油，再淋上檸蜜，估唔到效果幾好喎，外皮煙韌帶脆，包心軟熟，味道香甜滲出少少檸檬清香味。
檸蜜牛油包
$18
16 views
0 likes
0 comments
原諗住呢碟嘢會幾好食，日本蕃薯本身已經喺好嘢嚟，以牛油、蜜糖整，不過，唔知點形容，喺咪整好擺耐咗，定喺啲牛油整腍晒啲蕃薯條？香就香，亦好有蕃薯甜味，但有種過氣油炸鬼嘅感覺，腍腍韌韌咁。同埋以呢個定價而言，個人覺得份量感覺似乎有啲少啫。
雞皮墨魚滑 $38既喺店家嘅得意之作，亦喺人氣之選，而且，我都覺得咁嘅配搭好有創意。其實一客都唔喺好多，賣相比預期嘅普通，不過，又真喺幾得，外層嘅雞皮燒到好脆口，卻又無乜油脂，中間嘅墨魚滑又爽口、又彈牙，不失人氣之名。
雞皮墨魚滑
$38
15 views
0 likes
0 comments
汁燒魷魚鬚 $22、海苔黑豚肉鵪鶉蛋 $26再嚟一碟起孖，魷魚鬚搭黑豚肉鵪鶉蛋，由於啲魷魚鬚已經醬醃過，所以，食起嚟比較惹味，但質感軟得嚟有啲韌啫；而後者，我哋都覺得好正，因為搵黑豚肉包住啲鵪鶉蛋嚟燒，令啲鵪鶉蛋入口唔會好乾，卻又有鹹香味。
海苔黑豚肉鵪鶉蛋
17 views
0 likes
0 comments
呢個喺我專登點嚟俾老友試，因為，配上日本雞蛋，效果喺唔同啲，兼又安全啲。件免治雞肉捧混入雞軟骨，食起嚟有陣鬆化感，但又不時有啲脆脆爽爽嘅感覺，口感富層次，沾滿蛋漿，添多一份柔滑細膩嘅蛋香味。
燒軟骨免治雞肉捧（付月見）
$30
38 views
0 likes
0 comments
呢一道就喺朋友好想食嘅菜式，一份都有唔少件豬頸肉，好泰式風味。我就幾鍾意佢哋燒到啲豬頸肉有份炭火香，口感爽爽哋，沾滿泰式嘅酸酸辣辣醬汁，惹味到極，伴三幾片青瓜嚟爽吓口就仲好。
鰻魚炒飯 $58雖然我哋唔喺大食之人，但臨尾搵個飯打打底，有啲飯氣落肚，感覺好似實在啲。一道鰻魚炒飯，老實講，鰻魚就唔喺覺好多，碎濕濕有啲咁啦，但炒飯就做得唔錯，飯粒分明又爽身，做足基本。
沖繩黑糖燒菠蘿 $18上次晌居酒屋，就以一道燒沖繩菠蘿作結，今次都差唔多，不過菠蘿唔喺嚟自沖繩，只喺用上沖繩嘅黑糖，做成一層薄薄嘅焦糖晌菠蘿表面，咬落有層「脆皮」嘅感覺，然而，就算菠蘿唔喺沖繩貨色，都算得上清甜多汁。
沖繩黑糖燒菠蘿
$18
4 views
0 likes
0 comments
Post
