慢煮兩餐 (Moved) New Location

一入黎已經比牆上既字句吸引住。仔細睇，原來菜色配合中式的菜譜、日式的仔細和嚴謹、法式的低溫慢煮法。店內報置簡潔，帶點浪漫。係個好地方慶祝我的假期開始。酸梅醬蒸排骨，店員會事先問你的口味（濃/淡）而製作，可見細心之處。排骨唔韌，酸梅醬適中，辣辣地。送飯一流。煎焗青根魚，煎完再焗的做法，魚唔會太過乾，魚質不錯，唔會太鬆散。紹菜炆蝦米，入面有粉絲。每啖粉絲同紹菜都滲入左蝦米獨有香味。白飯不得不提，由泰國絲苗米，台灣九號米和中國東北米而成，軟熟，黏黏地。乳鴿夠入味，但唔會太過濃，味道調較得適中。肉質唔會過淋，也都唔會太嚡口。店員仲提供手套，而免雙手有油。重點：鮑魚撈飯，鮑魚汁好濃郁，鮑魚同冬菇好淋，加埋心型飯。各款菜都係送飯一流，仔細之作。菜款式多係家常小菜，主打冇味精，食到家既感覺，店員又細心。另外值得一讚，雖然廁所係餐廳後門，但異常地乾淨。提提大家，如果想去食，要預先book枱。