Video
Read full review
2020-07-08
758 views
相信有一大部分嘅香港人用Openrice都係睇下餐廳地址、睇下食評再決定幫唔幫襯，好少話真係會落手寫下食評，小弟都唔例外。 而今次卻係小弟第一次寫食評，原因係今次用餐經驗實在令人不吐不快，同時希望透過留下一個真實review俾其他潛在食客參考吓，再決定俾唔俾次機會呢間餐廳。 較早前和友人到訪炮台山的Coffee Space食lunch，我們都係第一次嚟，cafe環境以音樂為主題，lunchtime時段滿座，第一印象係一間幾受歡迎嘅cafe。 小弟係食肉獸，所以order了一個忌廉汁豬扒飯lunchset。我哋等咗大約20分鐘嘢食先準備好，小店人手有限，我哋明白亦體諒。 而肚餓嘅我喺上菜後亦不虞有詐，開始大啖大啖進食，當我食咗一啖豬扒後，再切開第二塊時，我驚覺肉身呈粉紅色（見下圖），小弟極度懷疑塊豬扒係未煎熟，而之後我都冇胃口繼續食埋碟飯，成個腦都係諗緊會唔會中招。 今次係小弟第一次出街食到應該煮熟而又未煮熟嘅食物，但最令小弟不滿意嘅係店員嘅反應。 當我哋喺用餐後同男侍應/廚師反映呢塊豬扒好似未煮熟，善意提醒佢哋下次要小心啲，該名男侍應/廚師嘅反應係：「哦，唔好意思，使唔
而今次卻係小弟第一次寫食評，原因係今次用餐經驗實在令人不吐不快，同時希望透過留下一個真實review俾其他潛在食客參考吓，再決定俾唔俾次機會呢間餐廳。
較早前和友人到訪炮台山的Coffee Space食lunch，我們都係第一次嚟，cafe環境以音樂為主題，lunchtime時段滿座，第一印象係一間幾受歡迎嘅cafe。
小弟係食肉獸，所以order了一個忌廉汁豬扒飯lunchset。我哋等咗大約20分鐘嘢食先準備好，小店人手有限，我哋明白亦體諒。
而肚餓嘅我喺上菜後亦不虞有詐，開始大啖大啖進食，當我食咗一啖豬扒後，再切開第二塊時，我驚覺肉身呈粉紅色（見下圖），小弟極度懷疑塊豬扒係未煎熟，而之後我都冇胃口繼續食埋碟飯，成個腦都係諗緊會唔會中招。
今次係小弟第一次出街食到應該煮熟而又未煮熟嘅食物，但最令小弟不滿意嘅係店員嘅反應。
當我哋喺用餐後同男侍應/廚師反映呢塊豬扒好似未煮熟，善意提醒佢哋下次要小心啲，該名男侍應/廚師嘅反應係：「哦，唔好意思，使唔使煮過俾你？」
店員冷淡嘅一句「唔好意思」，彷彿提供未煮熟食物是一件大不了嘅事。
事實上，大家都知食咗未煮熟豬肉嘅後果可以好嚴重，保障食客安全和健康是從事飲食業的基本步，而店方嘅處理方法和態度亦極需要進步。
Post
