Fish & Chick (高街) (Closed)

呢間啲炸魚同烤雞食過幾次都覺得好高質，之前揀嘅炸魚都係啲肉質偏嫩滑嘅，而今次揀呢個石頭魚就唔屬於滑溜系，而係肉質偏細膩帶點咬口又唔會韌同實，魚味重而鮮✨ 另外加咗個青豆蓉，實物呈鮮綠色有啲怪，不過又幾好味，比起佢係三色豆咁食好味好多同容易接受啲😂.烤雞就唔使講，一貫水準嫩滑非常，味道同肉質都好平均，唔會話有啲位特別淡味或者特別嚡口，另外今次配薯蓉，原來都幾飽肚，質感紮實😌.今餐驚喜位係呢個白酒煮蜆，諗住叫多個小食又唔想食炸嘢先揀佢，食落先知原來咁正，白酒汁非常香口，而珍珠蜆粒粒都脹卜卜，感覺晶瑩剔透，咬落去會咇汁鮮味超濃✨ 呢個真係必點😍