砂煲兄弟 (東港城) (Closed)

新開嘅砂煲兄弟。第一次去食。坐得舒服。裝修都幾有feel。叫得砂煲兄弟。同朋友就揀左三個煲。試哂唔同煲。。而個馬來沙嗲火焰牛仔骨係餐廳推介菜。果然無介紹錯。牛仔骨非常入味又惹味，啲配菜撈埋個汁又新鮮又甜。送飯一流。可惜份量比較少。對兩個人黎講只係剛剛好。叫左蒜香海龍皇煲仔飯。依個飯等得最耐先上枱。應該係有認真煲過。真係熱辣辣同有香脆嘅飯焦。四款蒜香海鮮分別有魚。蝦。青口魷魚。一樣好味。仲有清清地叫左竹笙杞子浸時菜煲。依個煲份量又多禍。好多白菜。新鮮清甜。仲有竹笙同雜菇。用煲上又熱辣辣。個湯都好味飲左幾啖。食完依個感覺自己健康左。食完重口味。就叫兩杯野飲。龍鳳檸樂。爽呀。另一杯係蜂蜜荔枝爽。堅係用蜜糖沖。而且蜜糖味十足。杯野就搵唔到有咩爽嘅配料。但啲荔枝肉都幾多。