新記雞粥 (鴻禧大廈)

Open Now

Now Closed

最近發現元朗老字號嘅新記原來喺旺角都有分店！主打生滾煲仔粥、腸粉麵飯同多款精美小菜～ 餐廳環境乾淨，地方唔算好大但有卡位坐，整體價錢合理而且店員服務態度有禮，經過可以試試🙈一場嚟到當然唔少得嗌返碗貴妃雞粥，原鍋上熱辣辣，粥底口感綿密，濃稠度適中，感覺無味精，雞味突出，雞件嫩滑，果然係招牌菜👍🏻 另外搭配皮薄餡靚嘅叉燒腸，食完成個人暖曬！鮮蝦雲吞麵反而有驚喜，雲吞大小得宜，有個可愛嘅金魚尾巴，內裡饀料十足，原隻大蝦，蝦肉爽口，嗦嗦聲咁，而且好鮮甜！麵條彈牙，整體份量唔多但味道取勝～ 個人喜歡呢度嘅公司三文治，色彩繽紛，賣相一流，餡料滿滿，芝士、火腿、蛋、午餐肉、蕃茄、蔬菜、沙律醬、牛油等樣樣有齊！麵包微微烘過，食落脆脆地，整體層次分明，口感豐富🥪小炒有椒絲腐乳炒通菜同菜心，新鮮，爽口，鮮甜，美味，私心推介涼瓜炒蛋，苦瓜爽脆唔硬，蛋香味夠，炒蛋亦亦唔會過老，配飯一流💖