Video
Read full review
2020-12-13
2065 views
天氣開始轉凍，係食煲仔飯嘅時候啦！西環坤記煲仔飯遠近馳名，晚晚都排晒長龍。今日禮拜日，特相約好友嚟到食個煲仔飯，暖一暖個肚。雖則話夜晚開六點，我同好友未到六點已係坤記附近，便慢慢行過去。去到都未夠六點已經見到舖頭入邊原來已經有兩三枱客坐喺度啦，逐唔使排隊冇訂位已經可以入坐。坐咗唔夠十分鐘，已經坐滿人。所以如果你唔想排隊呢，末夠六點要嚟到喇！同好友都鍾意食白鱔，故淨係單獨叫咗個白鱔煲仔飯，另加$20潤腸，而冇叫雙拼白鱔煲，以免白鱔份量減少😅。由於單叫，白鱔份量算多，件件都好肥美好滑，啖啖肉，由於加咗潤腸，冇落晒成碗豉油，以免過咸。我哋等到個煲仔上枱先再叫另一個餸，荷芹炒臘味。如果兩個一齊叫，相信差唔多食完碟小菜個煲仔先至上，好似隔離枱對男女，見佢碟小菜都差唔多食完，追過侍應兩三次個煲仔飯都未到。由於實在太好食啦，我同好友好快已經K.O.左個煲仔飯，故再叫多個「靚仔」，再撈埋個豉油，先至夠飽 🤣。白鱔、潤腸、飯焦、荷芹臘味、加多2枝樽裝可樂，呢餐實在太滿足啦！
今日禮拜日，特相約好友嚟到食個煲仔飯，暖一暖個肚。
雖則話夜晚開六點，我同好友未到六點已係坤記附近，便慢慢行過去。去到都未夠六點已經見到舖頭入邊原來已經有兩三枱客坐喺度啦，逐唔使排隊冇訂位已經可以入坐。坐咗唔夠十分鐘，已經坐滿人。
所以如果你唔想排隊呢，末夠六點要嚟到喇！
同好友都鍾意食白鱔，故淨係單獨叫咗個白鱔煲仔飯，另加$20潤腸，而冇叫雙拼白鱔煲，以免白鱔份量減少😅。
由於單叫，白鱔份量算多，件件都好肥美好滑，啖啖肉，由於加咗潤腸，冇落晒成碗豉油，以免過咸。
我哋等到個煲仔上枱先再叫另一個餸，荷芹炒臘味。如果兩個一齊叫，相信差唔多食完碟小菜個煲仔先至上，好似隔離枱對男女，見佢碟小菜都差唔多食完，追過侍應兩三次個煲仔飯都未到。
由於實在太好食啦，我同好友好快已經K.O.左個煲仔飯，故再叫多個「靚仔」，再撈埋個豉油，先至夠飽 🤣。
白鱔、潤腸、飯焦、荷芹臘味、加多2枝樽裝可樂，呢餐實在太滿足啦！
Post
