成興大排檔

Open Now

Now Closed

終於有機會做首位寫食評嘅人，好開心呀。今日同老公嚟佐敦做D嘢，辦完事就唸起之前係廟街附近食過間好味煲仔飯，所以就想食，但我哋行嚟行去都揾唔到果間食店，最後見到呢度有煲仔飯食，就嚟試吓啦。一入到去，有個阿哥叫我哋坐corner 位，張枱都OK大，兩個人坐都唔錯。跟住我哋就order食物，我哋要咗鹹魚肉片煲仔飯和滑雞煲仔飯，煲仔飯喺即叫即做，等咗二十分鐘鹹魚肉片煲仔飯先到，一打開個蓋就聞到好香，加上甜豉油，賣相唔錯，試一啖先，好似濕咗D喎，肉片唔錯，鹹魚就冇味，overall就一般啦。跟住滑雞煲仔飯到嘞，阿哥話要焗一陣先食，哎喲！原來要焗一陣先食嘅，唔怪得知個肉片煲仔飯濕咗D啦，傻瓜咗tim。我哋先食完個肉片飯，才打開滑雞煲個蓋，嘩！真喺有分別，呢果夠乾身，D雞都好味！原本都幾好嘅，點知食吓食吓嘅時候，老公話有隻小強喺我隔離行嚟行去，望一望，有一隻小強行緊，又有一隻死咗，唔想再睇嘞，快D食快D走啦。 其實呢間可以再嚟嘅，但就唔好坐corner位，切記！