榮記茶餐室

Open Now

Now Closed

天氣凍，即時諗起食煲仔飯，但有人反建議話食煲仔麵🧐...沙嗲牛肉煲仔麵。20年老字號屋村傳統茶餐廳，有卡位及長枱，但防疫安全措施就無跟足，人流多。沙爹麵上枱時，店員會提醒焗1分鐘係爽麵，焗2分鐘就係腍麵。一打開瓦煲蓋，陣陣濃香沙嗲味撲鼻而來。配料只有芽菜、豆卜、牛肉及葱粒。牛肉嫩滑腍身，牛味重，沒有被沙嗲味道搶過風頭。沙嗲湯底好濃，但略為過鹹。後其一丁麵索哂個湯就變成沙嗲牛肉「撈」丁，仲越食越鹹，下次可考慮將麵夾在碗內慢慢食。沙嗲牛肉煲仔麵的確有創意，一試無妨，下次可以係屋企自己整🤣。