Crust Italian (和昌大押) (Closed)

朋友生日，就諗住一試有咁多好評嘅意大利菜。頭盤小食都唔錯，但係main courses 就出曬事🥲南瓜濃湯好綿滑，配埋烘到金黃色又脆口嘅包的確好開胃。水牛芝士夾蕃茄作為開胃菜係唔少意大利餐廳都一定會見到，令到佢特別嘅係個意式沙律醬，清新得嚟又唔會搶左芝士嘅奶香味。到左正餐，出事係個pizza到。lunch set 簡左哩個pizza，等左10分鐘就以為新鮮出爐應該好好食，點知食落口係冇味，個crust係好鞋，又冇咩burnt 嘅爐火味。我地每人食左幾啖就冇食啦。雖然係為慶祝生日而食嘅生日飯，但係餐廳收費250切餅費，所以最後都冇係餐廳食。總括而言，唔值得一試，亦唔會再翻嚟食。