煲底海鮮火鍋料理 (Closed)

煲底食火鍋就知道，但原來午市都有飯食，仲要係有d意想唔到既刺生丼飯。今日黎開尖沙咀，就黎試下佢既丼飯。menu上面既選擇都唔少，海鮮種類都多，而且豐儉由人。比起三色丼同大拖羅果類比較常見到既刺身丼，粒粒吞拿魚丼同粒粒三文魚丼雖然睇落好似冇咩特別，但丼飯既刺身有特別既醬汁。鐘意食醬同醃製野既我地，就揀左呢兩個丼飯黎試下。魚生飯係生冷野，但因為出面天氣實在太熱，我地都係一人叫左杯特飲黎飲。飲品先上，一杯係龍眼冰。泰式既味道，清甜冰爽，又有龍眼肉食。大大杯，夠哂凍。有龍眼既香味又唔會太甜。另一杯係荔枝烏龍。呢杯係似出面手搖既果茶。荔枝既酸甜同烏龍既茶味好夾，酸酸甜甜又帶茶香同埋少少茶既澀味，都係好解渴又好飲。跟住就係主角既魚生飯同味噌湯。食飯之前飲啖味噌湯，佢地既味噌湯落既味噌係偏咸果種，而且落既量都唔少，所以都幾咸。佢地既魚生丼同專門做魚生丼飯既size差唔多，睇落好似細細碗，但飯既量其實都唔少。而且刺身既量都幾多，鋪滿成個飯面。三文魚丼面頭除左有蛋絲同青瓜，仲有我地最愛既三文魚籽。魚籽粒粒飽滿，見到就覺得開心。粒粒三文魚刺身都唔細粒，而且都沾滿左餐廳整既醬汁。醬汁偏咸帶甜，而且有少少平時