坤記煲仔小菜

Open Now

Now Closed

友人一等到天氣轉冷就會召集黎呢度開飯,  仲要預先訂位, 眼見有WALK IN客真係無得食白走一趟, 可想而知呢度有幾火紅訂左位好彩都唔要等好耐就可安排入坐, 環境係比較迫陝, 呢D真係為食物而來, 想食環境就唔係呢度啦!晚市小炒煲仔飯應市, 菜式選擇都多, 大路嘅都有供應, 之前已經食過, 將想食嘅落單就可以, 無需花時間選菜 大廚將呢碟椒鹽九肚魚炸得外脆內軟, 加上惹味椒鹽, 點少少喼汁一齊食, 愈食愈想食, 若果九肚魚可以再粗身大條少少會更加滿足!天氣凍凍地又夠人腳, 點可以唔叫呢個足料豬骨煲呢?!  用氣爐一路煲至滾起就食得, 另有一籃生菜可以自行加落去! 湯底以大量豬骨去餚製變成奶白色, 加上有鷄腳, 蘿蔔, 粟米及炸支竹, 味道鮮甜, 辣度不足, 加多D楜椒粒落去會更正!  豬骨大舊到用手食會方便D, 更加貼地!  鷄腳煲至骨肉分離, 輕輕一"啜"已經食到鷄皮及筋肉, 骨膠源爆發!主角滑鷄煲仔飯上枱, 份量一個人食岩岩好, 加埋個秘製豉油再上蓋焗一焗, 打開時已經聞到好香豉油味, 鷄件舖滿成個飯面, 唔食鷄皮既可以輕易撕走, 肉質果然好滑; 而個飯粒軟硬度適中, 晶瑩分明;