Video
Read full review
2017-07-04
1462 views
《譚仔三哥》同《譚仔丸龜》一直以黎都係香港鬥得難分難解，直至《譚仔》出現左《丸龜》呢個後台，賴生先知道原來一碗米線可以值十億，咁我係咪都應該開番間賣米線既呢？不過佢地之所以由新界鬥到九龍再鬥出香港，都未分到勝負既原因其實好簡單。佢地2者之間有個好明顯既不同之處，一家專注於湯底著墨於米線，一家精於小食，所以都各有粉絲！ 如果想食米線，我地會去搵《三哥》，如果想食小食，我地會去搵《譚仔丸龜》至於一向鍾情於小店既賴生同屈小姐，偶爾都會去下D連鎖食店食既，米線就係其中之一啦！而今次賴生同屈小姐黎到既，係專注於湯底著墨於米線既《譚仔三哥》，正因如此，我地今次就由米線講起先1）雞肉竹笙煳辣薯粉：5⭐️5⭐️係比《三哥》既煳辣湯底既，一向都鍾意食米線既我地其實都食過不少知名既米線舖頭，但講到湯底，其實屬於連鎖店既《三哥》亦都係一個唔錯既選擇，至少佢係賴生同屈小姐既食之記憶入面佔據左一小角落既位置，最起碼我地記得食過有印象！煳辣湯底香辣有致，而出色既係在於佢既煳香！，呢個湯底一飲落去就湧出陣陣既香料味，同微妙既辣味細膩融洽，暖入喉嚨先品嚐到一點點既辣意，令人享受之餘，亦不會辣到毫無味覺，天氣凍食呢個湯，真
不過佢地之所以由新界鬥到九龍再鬥出香港，都未分到勝負既原因其實好簡單。佢地2者之間有個好明顯既不同之處，一家專注於湯底著墨於米線，一家精於小食，所以都各有粉絲！ 如果想食米線，我地會去搵《三哥》，如果想食小食，我地會去搵《譚仔丸龜》
至於一向鍾情於小店既賴生同屈小姐，偶爾都會去下D連鎖食店食既，米線就係其中之一啦！
而今次賴生同屈小姐黎到既，係專注於湯底著墨於米線既《譚仔三哥》，正因如此，我地今次就由米線講起先
雞肉竹笙煳辣薯粉
$42
85 views
0 likes
0 comments
5⭐️係比《三哥》既煳辣湯底既，一向都鍾意食米線既我地其實都食過不少知名既米線舖頭，但講到湯底，其實屬於連鎖店既《三哥》亦都係一個唔錯既選擇，至少佢係賴生同屈小姐既食之記憶入面佔據左一小角落既位置，最起碼我地記得食過有印象！
煳辣湯底香辣有致，而出色既係在於佢既煳香！，呢個湯底一飲落去就湧出陣陣既香料味，同微妙既辣味細膩融洽，暖入喉嚨先品嚐到一點點既辣意，令人享受之餘，亦不會辣到毫無味覺，天氣凍食呢個湯，真係暖上心頭！
所以呢個湯配以索湯既配料，例如竹笙，豆卜，腐皮等等，絕對係上佳既選擇當然跟米線/薯粉都味道一絕，連湯食真係不禁令人讚歎，難怪一碗米線可以值成十億
牛肉金菇蕃茄薯粉
$42
62 views
0 likes
0 comments
而《三哥》新推出既蕃茄湯既表現都令人滿意，蕃茄味徘徊於整個湯底之中，香甜可口。
而可惜既有2點，食得出落左茄膏，令蕃茄湯底味道偏甜，但天然既酸味就失晒色。
其二，係佢加左酸菜，酸菜同蕃茄真係水火不容嫁，兩者係唔應該同時出現，搞到蕃茄湯有D怪怪地，食食下有一陣奇特既雲南風味，實在係⋯一種污染。
所以要扣1⭐️！
尖椒皮蛋
$21
43 views
0 likes
0 comments
當論及《三哥》既小食呢⋯⋯你就會發現點解會有人去食《譚仔丸龜》而唔係食《三哥》喇！
就以呢味尖椒皮蛋爲例，《三哥》既皮蛋本身已經無乜皮蛋味，即使個皮蛋皮好彈口，但欠缺左皮蛋味，就等於失去左食皮蛋既意義
而尖椒汁呢，同皮蛋好明顯分左手，滲唔到入皮蛋之餘，本身亦唔夠味，辣同酸都唔夠喉。
反觀《譚仔丸龜》既皮蛋本身重皮蛋味，而蛋黃位置偶有半流心，而且汁底本身夠濃，用於撈米線食味道亦佳，所以有佢棒場客亦不出爲奇。
生菜
$19
55 views
0 likes
0 comments
份量都幾好呀，有半粒西生菜，不過中間有D好黃，感覺唔係咁新鮮呢
總結
要去連鎖店食米線？《三哥》啦，煳辣湯的確令人眼前一亮，印象深刻，而且夠晒獨特，坊間都少呢種味道既湯底。而《譚仔丸龜》果碗米線⋯⋯純粹係為左食飽就算啦，毫無印象可言。
但要揀小食既話，《譚仔丸龜》就好過三哥好多啦
#但首先你要搵到個肯陪你食譚仔既女朋友先
#賴生有屈小姐啦
#屈小姐又透露左心聲
#錯重點！
#新突破跳出新高度&新高難度
#YouCanDoIt
#十億既米線
#無價既女朋友
Post
