熊小館 (Closed)

二人套餐：有歐陸式濃湯加埋牛油法包，小食就有法式香草牛油焗田螺，都好多田螺肉薯蓉做底好正。主菜選擇左蜂蜜BBQ燒豬仔骨，煮得好入味，好快就比我地食晒成條😋意大利魷魚墨汁意粉🍝意粉煮得啱啱好唔硬唔林，魷魚仲好彈牙，我地食到成個嘴都黑色😂😂😂甜品有自家製心太軟，一切開朱古力溶晒出黎真係好好味😋另外仲有個雪糕球好正呀…..飲品有熱情玫瑰，其實係熱情果加玫瑰花茶，飲落好清香好消滯嘅感覺，另一杯叫左草子莓莓，士多啤梨加橙汁酸酸甜甜好開胃。仲有好多熊啤啤陪伴，勁多打卡位。