熊小館 (Closed)

好多人話自己是抹茶控，紫薯控，芝士控...etc。但係其實每個人，心底裡頭都係一個熊控，如果你唔係，係因為你未搵到你隻熊，對男仔黎講，熊係一種強壯既動物，對女仔黎講，攬住熊仔個種溫暖而安全既感覺，更是無與倫比。係度坐低之後，最先迎接我地既就係一隻係枱面的熊仔，情不自禁摸摸牠的頭，再點野食。我今晚食既係北海道帶子明太子燴意粉。帶子意粉都食得唔少，但加上明太子就比較少見。明太子，即係鱈魚卵用鹽辣椒醬醃製而成的，呈橙色狀，微辣惹味。我先食一食個意粉，意粉幾有彈性，醬汁方面，就幾重忌廉味，同埋有少少芝味。帶子有一粒，並唔算太多，但食落都算肥厚鮮美。我再將明太子同意粉撈埋黎食，果然令到意粉多了一重微辣的感覺，而且有魚子的鮮咸味道，但不會過於濃烈，味道頗為新鮮卻不俗。依客意粉的份量不算十分大，但味道卻是不錯的，一邊吃一邊逗熊，夜晚很快就過了。