花千樹 (Closed)

之前, 去熊貓酒店Shopping，經過見到花千樹D裝修唔錯，早就想試，咁岩今晚同大仔都唔使返夜班，細妹就提議成家人黎食返餐。呢度D刺生種類同其他放題無咩分別，但響件頭上比較厚身，切法較細件，感覺可以食多幾件！！D串燒燒得幾香，岩岩好，唔會太燶，特別係翠玉瓜串，真係幾有水準！但係鹽燒雞翼串就相對弱左D，太乾身……其次鹽燒牛舌串、炒雜菜、牛油野菌帆立貝既味道都唔錯，唔會太喊，只係有少少油。焗蠔賣相非常吸引，燒到金黃色，而且有時亦有D幾大隻，但有時都會有D幾細隻.... 味道還算香口。另外，我覺得呢間舖有一樣特色既炸野，就係南瓜芝士薯波，南瓜蓉入面有D芝士蓉，食落的味道好夾，食多幾件都唔漏！可惜我怕肥，唔敢食太多..... XD 另外, 亦點左我最愛的芝士年糕，咬左一淡，熱辣辣的芝士餡就立即流入口。軟軟的年糕夾着味美的芝士，正！甜品不過不失，不過要加15蚊。我地加錢食左，D牛奶布丁好滑又唔會太甜，但係個人就麻麻地鐘意食佢D朱古力蛋糕…口感 唔夠鬆軟。一輪風卷殘雲之後，再嘆返杯玄米綠茶~清一清腸胃。值得一讚D服務唔差，下次會再去。