熊小館 (Closed)

身為熊類的我, 知道有間餐廳係熊主題, 又點可以唔黎朝聖呢? 呢度既熊隻隻唔同款式, 唔同大小, 我要逐一同佢地打招呼, 而佢地共通點係, 全部都好乖乖, 坐定定等人類(和熊類)同佢地玩, 超可愛, 勁得人鍾意!一坐低, 已經比張有好多啤啤的餐紙吸引住, 每枱又有隻熊陪你食野, 令人不忘自己身處熊小館。我叫左個石板燒安格斯西冷伴磨菇 $149加$20有湯有野飲, 個忌廉湯味道岩岩好, 唔會太杰, 仲可以配埋脆脆多士食, 至於個西冷, 用石板燒會鎖住肉汁, 令肉質軟熟唔會dry, 可以order幾多成熟, 我地叫左五成, 都唔會太血淋淋喎, 爽口彈牙兼有濃郁肉香, 底下有唔少蔬菜, 又有片片磨菇, 好豐富呢! 薯條好幼身, 唔脆但勁濃薯味, 點茄汁食夾晒, 飲品檸檬茶, 茶味好濃, 透心涼呢。