Video
Read full review
2020-06-09
1024 views
林洪記係喺熟食中心入面一間任食火鍋店，最大賣點係每位$218有兩個鐘任食海鮮火鍋，雖然某幾款較貴價嘅海鮮冇得任食，但海鮮質素的確唔錯，淨係食啲海鮮都已經值回票價。熟食中心環境比較麻甩，雖然冇冷氣，但樓底高加上大風扇，又冇想像中咁熱喎。打邊爐點少得啤酒汽水，任食邊爐包左汽水任飲，係好懷舊嘅玻璃樽裝，如果想飲酒嘅可以每位加$20就有得任飲青島純生。唔記得幾耐冇飲過玻璃樽汽水喇！海鮮黎喇～！！嘩嘩嘩～！！大大盤海鮮有大元貝、蟶子、鮑魚、大蜆、花甲同海蝦，另外仲有牛小排同蟲草滑雞，有睇頭得黎啲海鮮都睇得出好新鮮，我地仲加左$20轉本地龍蝦，除左海蝦同花甲可以任食外，其他都係一次性，不過淨係哩盤海鮮都已經值回票價。我地首先體海鮮放上爐上面蒸，餐牌有寫唔同海鮮要蒸幾耐，跟住蒸就唔怕蒸到過左火喉。大元貝真係好大隻，就算蒸熟左都仲好有睇頭，鮑魚好彈牙唔會太韌，蟶子爽口，大蜆冇沙唔痴牙。海蝦雖然唔算大隻，不過肉質都結實唔霉，牛小排帶少少彈口，花甲唔會太細隻冇肉食。本地龍蝦都唔算細隻，有成隻手掌咁大，肉質都好結實爽口，滑雞唔會太老太鞋。食完蒸海鮮，就可以叫火鍋料打邊爐，因為湯底只係清水，味道全靠之前啲海鮮
熟食中心環境比較麻甩，雖然冇冷氣，但樓底高加上大風扇，又冇想像中咁熱喎。
打邊爐點少得啤酒汽水，任食邊爐包左汽水任飲，係好懷舊嘅玻璃樽裝，如果想飲酒嘅可以每位加$20就有得任飲青島純生。
唔記得幾耐冇飲過玻璃樽汽水喇！
海鮮黎喇～！！嘩嘩嘩～！！大大盤海鮮有大元貝、蟶子、鮑魚、大蜆、花甲同海蝦，另外仲有牛小排同蟲草滑雞，有睇頭得黎啲海鮮都睇得出好新鮮，我地仲加左$20轉本地龍蝦，除左海蝦同花甲可以任食外，其他都係一次性，不過淨係哩盤海鮮都已經值回票價。
我地首先體海鮮放上爐上面蒸，餐牌有寫唔同海鮮要蒸幾耐，跟住蒸就唔怕蒸到過左火喉。大元貝真係好大隻，就算蒸熟左都仲好有睇頭，鮑魚好彈牙唔會太韌，蟶子爽口，大蜆冇沙唔痴牙。
海蝦雖然唔算大隻，不過肉質都結實唔霉，牛小排帶少少彈口，花甲唔會太細隻冇肉食。
本地龍蝦都唔算細隻，有成隻手掌咁大，肉質都好結實爽口，滑雞唔會太老太鞋。
食完蒸海鮮，就可以叫火鍋料打邊爐，因為湯底只係清水，味道全靠之前啲海鮮同火鍋料，如果想鮮甜啲，建議可以點多啲花甲同粟米。
任食火鍋料選擇唔算非常多，不過肥牛、丸類、滑類、海鮮、水餃雲吞、豆品同蔬菜都有齊。
香辣炒蟹係即食，少少辣幾惹味。
脆肉鯇魚片唔會太腍，蝦滑同墨魚滑都彈口，食得出蝦同墨魚嘅鮮味。
最特別係有田雞，我自己就唔食，朋友食先點，鍾意食田雞嘅朋友唔好錯過。鮮魷魚都幾大隻。
炸魚皮係現成貨，冇受潮正正常常。
雪花肥牛雖然冇得同牛小排比，但食落都幾滑算唔錯。
最後當然要黎返個出前一丁。
總結，海鮮拼盤冇得輸，雖然其他任食火鍋料唔係咩貴價貨，但質素都正正常常，其他海蝦鯇魚片蝦滑墨魚滑質素仲唔錯，如果唔怕冇冷氣打邊爐絕對係平靚正之選。
Post
