道日本料理 (Closed)

見新野試吓，落完單去買晒餸返來都未整好，等左成30分鐘先有，有4個員工，得2個係整野食既，見到佢地一直整緊外賣平台d單，現場買既俾左錢就最後整，仲要見到個廚師無帶手套用手拎小丸子入盒賣相無特別，所以無影相，蕎麥麵個汁好奇怪，又甜又wasabi 味，似照燒汁加wasabi 咁。薑汁豬肉食得落既，好似屋企餸咁味，唔知係好定唔好。炸雞就係普通炸雞，唔係日本個d有薑醃個種，好在有d沙律醬加下味。食完成個下午係咁飲水，應該都好多味精套餐有跟壽司或玉子，玉子完全無味醂或甜味，我自己整得仲好食。壽司係加州卷，可接受，如果仲有機會考慮可以試吓壽司，不過都10幾20蚊舊，又可以有其他選擇。