御前上茶 (Closed)

食無定時、訓無定時既都市人，下午食主餐不過是平常事，黎到 御前上茶 初嘗 熟食下午茶，唔算太貴又有新意芝士薯條薯條炸得香脆，芝士醬係另上，禁就唔係將芝士醬把薯條變得淋身，芝士醬味濃，香口又有芝士咸香，唯美中不足就係醬太少，如果多啲醬就好啦！蟹羔蟹肉親子茶漬飯樣子好吸引，清楚可見蟹肉同蟹籽，蟹羔係蟹肉下面，仲有飯的配料。茶漬飯係有三食：直接食，為一食；混埋配料一齊食，為二食；加埋茶，混合成茶漬飯，為三食。蟹羔蟹肉都係頗凍，味道唔差，都蟹味！份量足夠，以下午茶算好飽肚既食物，價錢以下午茶算貴，但以茶漬飯既價錢可接受。整體黎講，御前上茶 既甜品就未試過，熟食可算是有驚喜，有機會想試埋甜品！