奧壽司

Open Now

Now Closed

上星期去數碼港探朋友，佢問我想食咩，我二話不說話想食日本野，然後佢就帶我去佢平時食開既奧壽司。餐廳好間感好大而且寧靜，好適合同三五知己傾下計食下野。食物方面選擇亦多，除左壽司刺身，仲有鍋物、串燒、熟食，就算唔食生既朋友黎呢度都唔洗愁。講下野食先壽司盛合(特上) - 賣相十分靚仔，$280有十款壽司，刺身魚澤鮮明，厚度亦夠。中拖羅甘香、海膽鮮甜、三文魚子飽滿、爽海蝦爽甜，每款壽司都水準不錯。呑拿魚壽司 - 另外追加兩件，食後口腔充滿餘韻。忌廉香蒜酒煮蜆 - 個汁好creamy帶濃濃酒香，用黎點蒜蓉包食實在太好食！（事後忍唔住叫多款有蒜蓉包既菜式繼續點汁）蜆肉肥美，酒味滲透卻不失海水鮮味。牛脷串 - 厚切牛舌配上黑椒海鹽調味，燒得恰到好處，牛舌爽口無筋，推介。炸魷魚鬚 - 炸得香口，佐酒神物。雲丹蟹粥 - 略帶金黃的雲丹蟹粥，粥香滑軟綿，帶有微微鮮味，不錯。總括黎講幾滿意佢既食物，雖然價錢唔算平，但用料唔錯，熱食同燒物都顯出廚師功架。唯一可以改善既卡位既sofa都坐得幾唔舒服，下次黎會坐其他位。