Cafe Charm's (Closed)

約克群啤酒炸魚薯條 ($92)

香港有得食fish & chips既地方唔多，
Cafe一邊食下炸魚薯條一邊傾計不知幾爽。炸魚柳炸得香口脆身，但炸皮略嫌太厚身，魚柳超級滑嫩，點上他他醬更清新。
薯條都算厚切，粗身好多薯肉，食埋就夠飽肚，
整體都算份量幾大水準唔錯既炸魚薯條。明太子煙肉忌廉意粉 ($76)
明太子配上忌廉汁，香滑濃郁既忌廉汁令鹹香惹味既明太子更突出，
配上木魚絲好夾明太子既味道。煙肉份量都唔少，但唔夠香口，
意粉質地如果可以更硬身會更有口感，不過整體好香口，岩哂忌廉迷。京都焙茶鮮奶 ($36)

好少地方有得飲焙茶latte，竟然仲有靚靚龍貓拉花，
焙茶latte好香口，濃濃既焙茶烘焙既味道，加上混入鮮奶沖令整體更香濃好易入口，除左咖啡外既好選擇。奧利奧與布朗尼窩夫 ($88)

生果窩夫就成日食，視脂肪為無物既大家點可以錯過oreo加brwonies呢個極邪惡既組合。
花花形既窩夫面頭放上大大球曲奇同朱古力雪糕，再加上迷你oreo餅乾同brownies，再吱上忌廉同灑上糖霜，嘩真係勁邪惡。
窩夫質感鬆軟，不過唔夠香蛋香。Brownies鬆軟好香朱古力味，但如果微脆會更