Video
Read full review
2023-08-29
736 views
餐廳：I-O-N (黃竹坑)地址：黃竹坑黃竹坑道55號南灣如心酒店P3樓捉緊夏季嘅尾巴，盡情咁體驗一次東南亞「熱帶豐收盛宴」之旅🏖，就算冇機會出國旅行，都希望可以品嚐一吓亞熱帶風情，千祈唔可以錯過由7月29至9月28日，南灣如心酒店餐廳推出以「熱帶豐收盛宴」為主題嘅自助餐😋成人星期一至五午市做緊$358一位，而晚市就$488一位，經酒店官方網站訂位仲有買二送一或者最平六八折優惠，變相其實二三百蚊就食到豐富嘅Buffet盛宴😍星期日嘅晚市過嚟唔算太多人，坐滿接近七至八成，餐廳仲特設廂房位置，就算食自助餐都可以享受細細哋但寧靜同較有私隱嘅空間。而食物區域主要劃分咗：冷盤及沙律區、特色海鮮區🦞、東南亞多國美饌熱食專區、即燒嘅串燒區🍢、即製港式粉麵專區🍜、壽司刺身專區🍣、主要以芒果為主題嘅甜品專區🥭一嚟先試咗幾款沙律🥗：酸辣開胃嘅泰式魷魚粉絲沙律🦑、由自家農場栽種到店嘅水耕沙律菜🥬，同我最鍾意既鮮嫩同時帶有陣陣黑椒香味嘅尼哥斯吞拿魚沙律海鮮方面有海蝦🦐、蟹腳🦀、小龍蝦🦞、青口同翡翠螺，整體食落都算新鮮，尤其小龍蝦特別多龍蝦膏🤤，翡翠螺肉每隻都大粒飽滿，最重要無腥臭味😌講到東南亞主食，先試咗個肉
地址：黃竹坑黃竹坑道55號南灣如心酒店P3樓
捉緊夏季嘅尾巴，盡情咁體驗一次東南亞「熱帶豐收盛宴」之旅🏖，就算冇機會出國旅行，都希望可以品嚐一吓亞熱帶風情，千祈唔可以錯過由7月29至9月28日，南灣如心酒店餐廳推出以「熱帶豐收盛宴」為主題嘅自助餐😋
成人星期一至五午市做緊$358一位，而晚市就$488一位，經酒店官方網站訂位仲有買二送一或者最平六八折優惠，變相其實二三百蚊就食到豐富嘅Buffet盛宴😍
星期日嘅晚市過嚟唔算太多人，坐滿接近七至八成，餐廳仲特設廂房位置，就算食自助餐都可以享受細細哋但寧靜同較有私隱嘅空間。而食物區域主要劃分咗：冷盤及沙律區、特色海鮮區🦞、東南亞多國美饌熱食專區、
即燒嘅串燒區🍢、即製港式粉麵專區🍜、壽司刺身專區🍣、主要以芒果為主題嘅甜品專區🥭
一嚟先試咗幾款沙律🥗：酸辣開胃嘅泰式魷魚粉絲沙律🦑、由自家農場栽種到店嘅水耕沙律菜🥬，同我最鍾意既鮮嫩同時帶有陣陣黑椒香味嘅尼哥斯吞拿魚沙律
海鮮方面有海蝦🦐、蟹腳🦀、小龍蝦🦞、青口同翡翠螺，整體食落都算新鮮，尤其小龍蝦特別多龍蝦膏🤤，翡翠螺肉每隻都大粒飽滿，最重要無腥臭味😌
講到東南亞主食，先試咗個肉骨茶，藥材味唔算太濃烈令人難以接受而且相當足料👍；海南雞都幾嫩滑多肉，醬料鹹鮮香味十足；
烤羊架比較多脂肪夠羊羶香但肥膩咗少少🤏；雜錦沙嗲串燒雖然有少少乾身但燒烤味吸引🔥。
另外仲有羅望子酸梅骨、森巴魚🐟、泰式參巴醬炒蜜桃蝦仁🍤、巴東牛肉等菜式。可惜嘅喺個人覺得泰式菠蘿炒飯、馬拉盞炒時菜呢啲最基本嘅東南亞食物就相對做得普通咗啲🙈
港式粉麵有酒店同香港擁有超過60年歷史嘅香港仔有記粉麵廠合作推出麵食🍜，有接近20款食材同8款粉麵俾你揀，
當中仲有我最鍾意但好耐冇食過嘅銀針粉，啱晒一眾嚟香港旅行又想試吓港式粉麵嘅遊客🤓
甜品方面有芒果椰汁糯米飯、芒果斑斕椰汁慕絲、香芒楊枝甘露、芒果蛋白撻等東南亞芒果系列甜品🥭，喺炎炎嘅夏日食呢啲消暑又有特色嘅甜品就啱晒☀️，
仲有馬卡龍、泡芙、Tiramisu、葡撻等甜品🍮，
不過最吸引我都喺可以任食嘅Häagen-Dazs雪糕🍦，識食梗喺食多兩個先走🤪
Post
