Video
Read full review
2016-02-03
6212 views
韓國文化席捲亞洲，韓劇化妝品服裝成為生活一部分。韓食火乘風勢,遍地開花。其中最吸引我嘅都係韓式燒烤，啖啖肉。今晚試其中一間分店眾多嘅連鎖店。 餐廳行新潮路線，裝修簡潔光猛，枱面天花同餐具都銀光泛漾，SO METALLIC!見微知著，餐廳雖然係主打燒烤，但所有牆身枱面座位都一塵不染，唔會黐笠笠，可見管理得宜而且廳面整齊有序，眼前一亮。餐廳有一半客人係韓國人，連同鄉都幫襯，食物應該夠地道風味。 「雁喇吖嘥唷～」之聲響徹全場，不絶於耳，覺得我哋好受重視，氣氛好熱鬧餐廳有一半侍應係韓國人，據經理講，係來自南韓，嚟香港過WORKING HOLIDAY嘅年青人。韓藉侍應勤快有禮，安排入座後即時奉上前菜同麥茶好細心介紹餐牌，詳細講解每個套餐嘅內容，令我哋受寵若驚，可能香港一向只講求效率，少見咁有耐性同細心嘅服務。既來之則安之，見佢好有信心同誠意咁介紹，就決定點一份二人套餐。 二人燒烤套餐$698點餐之後，侍應熟練敏捷咁奉上生菜籃同喺烤爐坑上注入蛋漿同粟米芝士碎。套餐分烤肉生料同熟食，其實份量頗大，夠三個人食有餘。 泡菜煎餅薄薄一片煎得乾爽，無多餘油
韓國文化席捲亞洲，韓劇化妝品服裝成為生活一部分。韓食火乘風勢,遍地開花。其中最吸引我嘅都係韓式燒烤，啖啖肉。今晚試其中一間分店眾多嘅連鎖店。
餐廳行新潮路線，裝修簡潔光猛，枱面天花同餐具都銀光泛漾，SO METALLIC!見微知著，餐廳雖然係主打燒烤，但所有牆身枱面座位都一塵不染，唔會黐笠笠，可見管理得宜而且廳面整齊有序，眼前一亮。餐廳有一半客人係韓國人，連同鄉都幫襯，食物應該夠地道風味。
位上前菜
130 views
0 likes
0 comments
前菜
55 views
0 likes
0 comments
「雁喇吖嘥唷～」之聲響徹全場，不絶於耳，覺得我哋好受重視，氣氛好熱鬧餐廳有一半侍應係韓國人，據經理講，係來自南韓，嚟香港過WORKING HOLIDAY嘅年青人。韓藉侍應勤快有禮，安排入座後即時奉上前菜同麥茶好細心介紹餐牌，詳細講解每個套餐嘅內容，令我哋受寵若驚，可能香港一向只講求效率，少見咁有耐性同細心嘅服務。既來之則安之，見佢好有信心同誠意咁介紹，就決定點一份二人套餐。
二人套餐
$698
110 views
0 likes
0 comments
爐烤粟米芝士、蛋卷
87 views
0 likes
0 comments
二人燒烤套餐$698
點餐之後，侍應熟練敏捷咁奉上生菜籃同喺烤爐坑上注入蛋漿同粟米芝士碎。套餐分烤肉生料同熟食，其實份量頗大，夠三個人食有餘。
煎泡菜餅、韓式炒粉絲、石鍋什錦飯
109 views
1 likes
0 comments
泡菜煎餅
薄薄一片煎得乾爽，無多餘油份，泡菜味濃，少少辣刺激味蕾。
韓式炒粉絲
粗粉絲完全吸收醬油味，配菠菜、蛋絲撈匀食，惹味爽口。
石鍋什錦飯
石鍋上枱夠熱，將紫菜、甘筍絲、生雞蛋、豬肉絲，菠菜，芽菜同翠玉瓜加韓式甜辣醬撈匀先食，鍋邊仲有少少飯焦，味道同口感複雜豐富，食完覺得唔夠喉𠻹
食緊飯不忘烤肉。餐廳有特別設計，每枱獨立嘅抽油煙機，食完餐飯都唔會成身油膱味。套餐包括最受歡迎嘅款式。
首先燒嘅係五花腩，同其他韓國燒烤唔同，豬腩肉係厚切，灑上粗鹽調味，成片燒完再剪，厚切食落更彈牙同JUICY。
烤韓國鰻魚、燒牛排骨
127 views
1 likes
0 comments
套餐好抵食，有原條鰻魚咁滯👍燒鰻魚來自韓國，油脂豐富，燒熟後肉質細嫩，真係是日驚喜。
據雜誌訪問透露，呢間餐廳大厨處理牛排肉，係用韓國羅州市新高梨、菠蘿、洋葱、薑、蒜同黑椒，打成蓉去醃制，一來可增添甜味，梨肉酵素更可以軟化肉質，令牛排肉更入味同鬆化。牛排骨上枱時𠝹晒斜紋，捲起好似張棉胎咁，攤開啱啱好可以放上燒烤爐。今日一試，又真係甜甜哋同好鬆化喎。
牛舌薄切乾爽，食落彈牙，點少少醬油已經好美味。
韓國MANKOLI酒
$100
68 views
0 likes
0 comments
醇麴堂韓國農酒/KOOKSOONDANG WHITE DRAFT MANKOLI$100
有餚豈可無酒？正當食到唔止暖笠笠，直頭焮翕翕之際，問吓醒目侍應有咩好介紹，佢介紹飲呢款韓國農酒，話食燒肉時再凍飲，風味一流。之後奉上銻酒碗，再搖匀酒樽倒酒。酒色呈乳白色，所以有人叫呢款油做濁酒。入口充滿米香，但又唔似中國米酒咁搶喉，原來酒精只有6°，多飲都唔怕醉一聲乾杯，半碗米酒入口，無晒熱氣油膩，解渴回甘，難怪睇韓劇，食燒肉除咗啤酒，就係飲農酒，果然係天作之合。
開心嘅時間過得特別快，喺充滿笑聲同韓語嘅餐廳，大杯酒大塊肉，感受韓國風情，體驗地道韓式燒烤，埋單時，我哋用生澀嘅韓文講聲MA-SI-SEO-YO，期待下次再嚟盡情食
Post
