Video
Read full review
2020-11-28
2408 views
就快到聖誕，呢日同男友去完尖東搶先睇完聖誕燈飾，就響附近搵間餐廳醫下肚。韓珍位於帝國中心，見好多好評咁，就揀左佢試下店內座位闊落，客人都保持一定距離，防疫措施都做得唔錯。因為咩都想食d，就點左八方美人餐：有牛舌、雪花肥牛、豬頸肉、護心肉、雞肉、蝦、鮑魚等等，擺碟擺得幾靚，岩哂打卡。套餐附送前菜，一下就擺到成枱到係，泡菜酸度及辣度適中，唔食得辣既男友都係咁食而我最like係炒魚糕，平時食開一串串既，咁樣炒係第一次見，用麻油炒好香口，食哂侍應就會免費添加新一碟，服務幾好。每枱都會送既雞蛋餅，入面有三色椒+芝士，口感厚實。店員可能見我地手忙腳亂咁，就幫我地燒埋，佢仲會將d肉用較剪剪細塊d，方便我地食，服務好周到因為唔識搣，本身我地打算放棄食蝦，但佢示範左點用較剪剪，仲剪到好靚，呢餐學識左新技能，隻海蝦大隻又新鮮，好味鮑魚預先用醬料醃到好入味，呢個鮑魚預先已剪走內臟組織，都有照顧到香港人口味。肉類方面，最好食當然係雪花牛肉，脂肪分佈均衡，好香口，可惜只得4塊。護心肉睇落似牛肉咁，店員介紹下先知係豬肉，每隻豬只得200-300g，肉味濃郁，口感豐厚，點芥末魚露食好惹味。其他肉類都係中上水平，就唔
就快到聖誕，
呢日同男友去完尖東搶先睇完聖誕燈飾，
就響附近搵間餐廳醫下肚。
韓珍位於帝國中心，見好多好評咁，
就揀左佢試下
店內座位闊落，客人都保持一定距離，
防疫措施都做得唔錯。
因為咩都想食d，就點左八方美人餐：
有牛舌、雪花肥牛、豬頸肉、
護心肉、雞肉、蝦、鮑魚等等，
擺碟擺得幾靚，岩哂打卡。
套餐附送前菜，一下就擺到成枱到係，
泡菜酸度及辣度適中，
唔食得辣既男友都係咁食
而我最like係炒魚糕，
平時食開一串串既，咁樣炒係第一次見，
用麻油炒好香口，
食哂侍應就會免費添加新一碟，服務幾好。
每枱都會送既雞蛋餅，
入面有三色椒+芝士，
口感厚實。
店員可能見我地手忙腳亂咁，
就幫我地燒埋，
佢仲會將d肉用較剪剪細塊d，
方便我地食，服務好周到
因為唔識搣，本身我地打算放棄食蝦，
但佢示範左點用較剪剪，仲剪到好靚，
呢餐學識左新技能，
隻海蝦大隻又新鮮，好味
鮑魚預先用醬料醃到好入味，
呢個鮑魚預先已剪走內臟組織，
都有照顧到香港人口味。
肉類方面，最好食當然係雪花牛肉，
脂肪分佈均衡，好香口，
可惜只得4塊。
護心肉睇落似牛肉咁，
店員介紹下先知係豬肉，
每隻豬只得200-300g，
肉味濃郁，口感豐厚，
點芥末魚露食好惹味。
其他肉類都係中上水平，
就唔一一多講。
野飲本身以為會一樽咁上，
但餐廳用左杯裝，覺得幾好
（左）桃汁：微甜，幾解渴。
（右）熱柚子蜜：蜜糖有陣清香。
Post
