Video
Read full review
2008-07-09
13 views
咪咪咁岩黎左中環，架架見機不可失，力約咪咪食 lunch，而又希望可以食得好 D 同坐得舒服 D，所以揀左Balalaika。我地大家都食 set lunch，先有一條硬硬地少少暖既蒜蓉包條，咪咪初初仲以為會有一大籃包任食……架架叫左個 2 courses set（$88），先黎個海鮮 pancake，配上龍蝦汁，好味道。主菜就係煎龍利柳，龍利柳好滑，配個香橙忌廉汁，好味道，份量仲唔細添！ 咪咪心唸點解自己無點呢個。咪咪就叫左個 3 courses set（$108），先黎一個芝士番茄沙律配辣香醋汁，唔知係唔係 D 醋勁得滯，咪咪食到摽眼水，而番茄幾好味，生菜就一般。餐湯係牛尾羅宋湯，同平時飲開個 D 好唔同，呢個清得多，都算多蔬菜同牛尾肉，但係就唔算好濃烈既味道，有埋薯仔係入面，OK咁啦～主菜就係黑椒西冷牛扒，食完之後先發現無黑椒味，不過個扒都幾似樣，煎得幾好，有原始既牛肉味。配菜既西蘭花、番茄同薯條都唔錯，咪咪食晒！到差不多食完，眼見隔離檯上左甜品係迷你朱古力蛋糕（set lunch 包埋），架架都無咩野期望，因為架架對朱古力興趣不大。過左一陣，到我地黎甜品喇，咦！！！！！唔係呀嘛
我地大家都食 set lunch，先有一條硬硬地少少暖既蒜蓉包條，咪咪初初仲以為會有一大籃包任食……
架架叫左個 2 courses set（$88），先黎個海鮮 pancake，配上龍蝦汁，好味道。
主菜就係煎龍利柳，龍利柳好滑，配個香橙忌廉汁，好味道，份量仲唔細添！ 咪咪心唸點解自己無點呢個。
咪咪就叫左個 3 courses set（$108），先黎一個芝士番茄沙律配辣香醋汁，唔知係唔係 D 醋勁得滯，咪咪食到摽眼水，而番茄幾好味，生菜就一般。
餐湯係牛尾羅宋湯，同平時飲開個 D 好唔同，呢個清得多，都算多蔬菜同牛尾肉，但係就唔算好濃烈既味道，有埋薯仔係入面，OK咁啦～
主菜就係黑椒西冷牛扒，食完之後先發現無黑椒味，不過個扒都幾似樣，煎得幾好，有原始既牛肉味。配菜既西蘭花、番茄同薯條都唔錯，咪咪食晒！
到差不多食完，眼見隔離檯上左甜品係迷你朱古力蛋糕（set lunch 包埋），架架都無咩野期望，因為架架對朱古力興趣不大。過左一陣，到我地黎甜品喇，咦！！！！！唔係呀嘛！！！！！！！咁都得！！！！！！！！！！！！！！！！！竟然係架架最愛既法式燉蛋，架架一見到腎上線素都高埋，竟然食到法式燉蛋，實在太驚喜喇，架架有諗過係唔係咪咪安排（後尾經查證後證實唔係）！講番個燉蛋，甜度適中，蛋味濃，面夠脆，個底仲撈左D雲尼拿籽，正！！
餐飲方面，架架一貫叫番熱檸水，咪咪亦一貫叫番熱咖啡。熱檸水連壺上，架架可以飲到兩杯。咖啡配兩小杯雀巢 coffeemate，咪咪當然落晒啦，仲落左兩包糖～不過甜過頭，下次都係落一包夠喇～
滴水鬚根待應勁好服務，好到頂唔順，架架同咪咪笑足全程～～～
Post