小川屋 (Closed)

話說我係因為見到個辣子雞塊我入黎係食拉麵以外既一餐飯。因為佢見人地Ｄ圖大大件雞脾肉切大件黎整辣子雞，比較多既做法係斬到雞軟骨既大細炸完炒一炒。而呢隻做法食落豪邁好多，第一咁大件肉食到有醃底味，二黎炸得都乾身之餘仲有肉汁。之但係呢隻做法似乎唔太沾得上辣子雞既名，我略嫌麻味係索唔到入個雞件度，所以以辣子雞既名黎講係會差Ｄ。但如果單以一道炸雞類既餸黎講，呢碟雞絕對係超班！令我同樣有印象既係呢個粉皮！居然用上鮮制會彈牙果隻粉皮，而唔係用浸水軟身果隻，超有驚喜！當然個醬唔能夠拎滄浪亭甚至王家沙比，因為個麻醬落得唔算多，唔能夠稱之為麻醬粉皮。反而川味既醬料落左較多，變相偏向麻同辣，對我呢個偏愛麻醬既人係差咁小小。麵就相對上平淡，但絕對對得起價錢有餘，廿蚊碗你想點...蒜泥白肉亦都用上粉皮同樣既醬，其實呢隻醬兩碟小菜冷盤都落左偏多，不過最重要佢隻醬又唔會太咸，我仲加小小落去撈擔擔麵，真係幾好食隻醬。全晚相對的失望就呢４支骨，可能食完炸雞有比較，孜然粉味第一唔太出眾，二黎乾身左小小，略略失望。