越滿 (Closed)

呢度最出色嘅就係佢招牌嘅和牛湯河，出色在於佢有別於一般嘅越南餐廳，佢用相唔同部位嘅和牛，令到一碗粉入邊有幾種唔同肉類嘅口感，增加唔少嘅分數。另外仲點少得有牛丸，爽口彈牙。仲有必須要加分嘅係湯會係送到枱上先淋上的，咁樣就會保證得到湯一定夠熱，而且牛肉會熟。可能有好多人會講生牛河煮咗出嚟仲係有啲血紅色係正常現象，咁當然係一個正常嘅現象。但係因為啲湯本身唔夠熱，再焯啲生嘅牛肉，湯的熱度繼續減弱，到你食嗰陣時候飲相嘅湯已經係變咗凍嘅，咁樣會令到成個越南河粉嘅味道都變晒！我係超唔鍾意呢一個情況。所以呢到做得好好，飲上湯嘅時候仲係熱辣辣。之後就介紹一下呢一度嘅魚餅，通常泰國餐廳先至會有魚餅，但係估唔到越南食都幾好食，佢係屬於厚身彈牙嘅口感，外面有輕輕嘅脆感。