Video
Read full review
2020-02-12
125 views
因為呢排返工時間比較彈性，所以食Lunch去咗食熱石牛扒🙈，慢慢燒嚟食，平日未必食得切。不過其實成個過程都唔使食好耐，哈哈。熱石牛扒我食過幾次，但就未嚟過牛極，今次係同事帶我嚟食。一入鋪頭，我哋就喺門口部機落咗單先。餐廳主打石燒牛扒🥩，要揀嘅就係牛嘅邊個部位或者邊款牛，同埋份量。餐廳幾大同寬敞，而且環境望落都光猛企理，特別係自助區好乾淨，仲不時會見到店員出嚟抹下、Refill返啲食材👍。牛柳200G($110)，我嚿牛柳個樣成嚿石頭咁，好好笑😂，牛柳出面的確已經係熟熟哋的啡色，但一切開入面又真係如佢Poster所講係一成熟(Rare)，再自己慢慢用嚿石燒熟去。雖然我聽過人講，熱石牛扒一路切一路燒嚟食會比較能夠鎖住啲肉汁，但我驚陣間嚿石唔夠熱要換，好鬼煩，所以一次過切哂先。估唔到啲肉一直放喺嚿石上面，個樣熟哂，但肉質竟然完全無變鞋😍，正呀。而且佢嚿石好夠熱，我食到最尾一嚿佢都仲係出緊煙。牛肩排180G($80)，呢個係我同事叫，不過我都試咗幾粒😙。雖然係牛肩排，但無平日咁多筋，肉質唔錯。肉味嚟講我就覺得牛柳出啲同好味啲，但牛肩排個味其實都ok。牛扒以外嘅嘢都係自助，包括湯、飯、沙律同醬汁
因為呢排返工時間比較彈性，所以食Lunch去咗食熱石牛扒🙈，慢慢燒嚟食，平日未必食得切。不過其實成個過程都唔使食好耐，哈哈。熱石牛扒我食過幾次，但就未嚟過牛極，今次係同事帶我嚟食。一入鋪頭，我哋就喺門口部機落咗單先。
餐廳主打石燒牛扒🥩，要揀嘅就係牛嘅邊個部位或者邊款牛，同埋份量。
餐廳幾大同寬敞，而且環境望落都光猛企理，特別係自助區好乾淨，仲不時會見到店員出嚟抹下、Refill返啲食材👍。
牛柳
$110
5 views
0 likes
0 comments
牛柳200G($110)，我嚿牛柳個樣成嚿石頭咁，好好笑😂，牛柳出面的確已經係熟熟哋的啡色，但一切開入面又真係如佢Poster所講係一成熟(Rare)，再自己慢慢用嚿石燒熟去。
雖然我聽過人講，熱石牛扒一路切一路燒嚟食會比較能夠鎖住啲肉汁，但我驚陣間嚿石唔夠熱要換，好鬼煩，所以一次過切哂先。估唔到啲肉一直放喺嚿石上面，個樣熟哂，但肉質竟然完全無變鞋😍，正呀。而且佢嚿石好夠熱，我食到最尾一嚿佢都仲係出緊煙。
牛肩排180G($80)，呢個係我同事叫，不過我都試咗幾粒😙。雖然係牛肩排，但無平日咁多筋，肉質唔錯。肉味嚟講我就覺得牛柳出啲同好味啲，但牛肩排個味其實都ok。
牛扒以外嘅嘢都係自助，包括湯、飯、沙律同醬汁。而飲品汽水🥤就唔包，要額外向店員落單，不過都有水供應。
醬汁有三款，分別係自家製燒肉汁、蒜蓉同辛味燒汁。老實講，我覺得幾款醬汁味道都一般般😅，好彩牛扒肉味本身都ok，唔洗靠啲汁吊味。
🥗沙律菜幾新鮮，有唔少車厘茄。沙律汁有兩款揀：柚子沙拉汁同胡麻沙拉汁。
日式牛肉湯
5 views
0 likes
0 comments
至於個湯係有驚喜嘅，因為唔係好淡嘅麵豉湯，而係日式牛肉湯，即係蕃茄牛肉湯🍅。湯渣有唔少牛肉同蘿蔔，蕃茄味濃，雖然有少少重口味...，但都幾好飲幾開胃🤤。
總括嚟講，牛極嘅石燒牛扒都幾好味，而且嗌最細嘅份量已經好飽，都算抵食啦😛。我出門口先發現原來餐廳有做Lunch Set，下次有機會再試下先。
Post
