Video
Read full review
2019-09-23
726 views
之前係元朗經過已經好想食，但當時因爲食飽飯，所以決定揾日再試！可能之前係新開冇咩人，今次8點幾去到，有10人左右係門口排隊...仲諗住去到即有位😭等咗15分鐘到就有位，職員安排入座前，你需要用門口部神之點餐機(牛扒販賣機)買票，平時係日本拉麵販賣機就見得多，呢部賣牛扒好得意😂部機只收現金哦店內供應四款牛扒，分別是安格斯牛扒、西冷扒，牛柳同哥士牛扒，每款重量分3級：180g（約6-7oz）、300g（約10oz）、400g（約14oz），上面的價格已包左任食沙律，湯同飯。門口有貼到購買流程，方便第一次惠顧嘅人，貼心👍🏻買完職員會俾bi bi機同安排座位，座位大多都係一張長台中間有板遮住，就算對面係陌生人都唔怕尷尬!等待期間可以出去自助區，白飯、餐湯、沙律和醬料都一律仼食！白飯可以加飯素，加埋牛肉一齊食，令我比平時食多咗飯！沙律基本就係椰菜絲，個人感覺唔太新鮮乾淨。湯係羅宋湯，材料好足，用咗蕃茄等蔬菜同牛肉熬製，味道濃郁，好好味！等到機器一響就可以出去取餐，所有牛扒都以石板上菜。傳統鐵板散熱較快只保到溫，而石板可以10幾分鐘都保持高溫，令客人可以手動DIY控制生熟程度。我叫左西冷牛扒180
可能之前係新開冇咩人，今次8點幾去到，有10人左右係門口排隊...仲諗住去到即有位😭
等咗15分鐘到就有位，職員安排入座前，你需要用門口部神之點餐機(牛扒販賣機)買票，平時係日本拉麵販賣機就見得多，呢部賣牛扒好得意😂
部機只收現金哦
店內供應四款牛扒，分別是安格斯牛扒、西冷扒，牛柳同哥士牛扒，每款重量分3級：180g（約6-7oz）、300g（約10oz）、400g（約14oz），上面的價格已包左任食沙律，湯同飯。
門口有貼到購買流程，方便第一次惠顧嘅人，貼心👍🏻
買完職員會俾bi bi機同安排座位，座位大多都係一張長台中間有板遮住，就算對面係陌生人都唔怕尷尬!
等待期間可以出去自助區，白飯、餐湯、沙律和醬料都一律仼食！白飯可以加飯素，加埋牛肉一齊食，令我比平時食多咗飯！
沙律基本就係椰菜絲，個人感覺唔太新鮮乾淨。湯係羅宋湯，材料好足，用咗蕃茄等蔬菜同牛肉熬製，味道濃郁，好好味！
等到機器一響就可以出去取餐，所有牛扒都以石板上菜。傳統鐵板散熱較快只保到溫，而石板可以10幾分鐘都保持高溫，令客人可以手動DIY控制生熟程度。
我叫左西冷牛扒180g, 因為熱石好高温，但180g太薄身，好快就熟晒，一上菜就要好快煎同切。
牛扒本身冇調味，因為好快熟晒，食既時候有啲韌。
另外叫左份300g 安格斯扒，厚厚的牛扒，睇到都流口水🤤
相比西冷扒，呢款有肉汁，牛味濃郁，肉質腍，而且有肥膏，一上菜就嗅到牛脂香。。可能因300g較厚身，冇咁快煎熟，可以自己慢慢控制牛扒生熟程度。
總結：套餐份量多，性價比高！平平地又可以玩又有牛扒食，抵！不過建議唔好選擇180g，太快煎熟。
Post
