Babbo Trattoria (Closed)

同朋友兩個人去銅鑼灣唔知食乜,聽人講呢度有間意大利餐廳個risotto好精彩,所以入嚟試一試。有人又唔係好肚餓,所以我哋冇嗌左好多嘢食,淨係叫咗一個Pizza一個risotto。個Pizza都幾正宗，同我喺意大利食嘅都幾接近，因為正宗嘅Pizza其實唔會話好多好多肉，主要係個醬。呢度既pizza就做到呢樣野，佢冇其他多餘嘅嘢係餅面，只係加左幾片bacon，幾香口。嗰醬又唔會同個餅分開哂，而且個餅皮幾鬆軟，唔會好乾身，香港黎講水準好高。而主角risotto,餐廳會搵一個侍應係一大舊芝士上邊炒熱，同時大芝士表面又會熱溶溝埋啲飯，然之後再放上係一個好熱嘅鐵鑊，非常精彩而且味道亦都相當唔錯。濃烈既芝士拉絲，仲要熱辣辣。無得彈呀。就連我朋友唔肚餓都覺得非常之好食下次真係要來試多啲其他嘅嘢。