老川皇

Open Now

Now Closed

自從搬左出来旺角之後，出街食飯嘅次數真係倍增😅可能因為真係方便到暈，一落街四圍都係餐廰，各式各樣都有，選擇非常多，同舊居嗰邊真係無得比。尋晚弟婦話想食酸菜魚，佢本来去開一間連鎖嘅川菜館，不過我話想試吓新野，最方便當然係上openrice搜吓啦😊見倒“老川皇”嘅評價都唔錯，就决定去試吓！我地一行3人，未够7點，餐廳已經8成滿，今時今曰嘅香港，响旺角呢d競爭咁大、選擇咁多嘅地區来講，生意都真係算唔錯啦！因為真係想試佢出品質素，所以除左酸菜魚，我地一共點左6樣野👇尖椒皮蛋： ok口水雞 ：一般干鍋大腸：ok 辣子鷄 : 酸菜魚（桂魚）：條魚好新鮮，不過略嫌唔够酸辣。干鍋花菜: 除左尖椒皮蛋要小辣，其餘我地都order左中辣，不過辣度都係一般，嗜辣嘅朋友一定要order大辣😉7點幾已全場爆滿，氣氛好热闹，外面仲有好多人等紧位添，最後埋單連两杯凍檸七合計$680，尚算實恵，可以encore😀。