十二味麻辣小當家 (Closed)

辣癮起，約老友記去止止癮，上網睇睇有邊間好，九龍區好幾間都試過，今次黎遠少少港島區試試依個小當家先 鋪頭唔係好大，但坐得舒服陳皮金橘蜜老友記叫既，唔係好甜，淡淡陳皮香，唔錯四川冰粉我就叫冰粉準備一陣食辣降降溫，淡淡桂花香，唔會好甜，冰粉其實冇咩味，但滑捋捋好順喉主角出場喇!黃師傅拿手清香魚好大盤呀，魚好滑好滑，個湯底好香，有胡椒香，又有啲酸酸地，開胃，入面仲有啲金菇同薯粉，好鬼好食呀好在我地冇再另外叫麵條類野，唔係一定食唔哂 鹵水拼盤依個份量少，味道亦很普通，索價太高，性價比很低四川樟茶鴨香脆富油香，濃濃煙燻味，依個幾好食紅糖糍粑新鮮熱辣炸出黎，外脆內軟， 煙靭軟糯，非常好食，上面仲有啲黃豆粉，再加上紅糖醬一齊食2個人棒住個肚走！ 如果唔係有啲遠既話，依度都會係我食辣既首選！